Лінкі ўнівэрсальнага доступу

<font color=CC0000 size=+0,5>АНОНС: ЯКІЯ ПЕРАДАЧЫ ПРАГУЧАЦЬ У НАШЫМ ЭФІРЫ Ў СУБОТУ І НЯДЗЕЛЮ</font>


Ул. інф.

“Галерэя Свабоды”. 27 красавіка

Беларускія фатографы вярнуліся днямі з выправы па Заходнім Палесьсі. Там іх напаткала расчараваньне – тыя драўляныя цэрквы, што яны меліся фатаграфаваць, маюць цяпер іншы выгляд. Гэтым храмам цяпер пагражае зьнішчэньне. У перадачы бяруць удзел фатографы Анатоль Кляшчук, Дзяніс Раманюк і вядомая дасьледчыца дойлідзтва Тамара Габрусь. Аўтар і вядучы перадачы Сяргей Харэўскі.


“Вольная студыя”. 28 красавіка

Эўропа стамілася ад Чарнобылю. Сьвет змагаецца зь міжнародным тэрарызмам, і яму няма справы да таго, што чыніцца на неабжытым матэрыку пасярод беларускага Палесься, які агароджаны калючым дротам. Тым часам у чарнобыльскай зоне ладзіцца аўташоў і нават існуе бардэль для аматараў экзатычнага сэксу. А ўсяму гэтаму патурае ўлада. У прамовах Аляксандра Лукашэнкі, нібы ў замовах заклінальніка зьмей, шторазу чуюцца заклікі аб тым, што ў чарнобыльскай зоне можна араць, сеяць і зьбіраць ураджай.

Пра гэта, а таксама гісторыю пра лася, якога ў зоне разлучыў з ласіхай калючы дрот, слухайце ў чарговым выпуску “Вольнай студыі”. Суразмоўца Міхася Скоблы — пісьменьнік, ляўрэат Дзяржаўнай прэміі Беларусі Віктар Казько.


“Вострая Брама”. 28 красавіка

Беларусы – нацыя паэтаў, і яе хросныя бацькі – ад Францішка Багушэвіча да нашых дзён – такая тэма чарговага выпуску “Вострае Брамы”. Пасьля таго, як улады замянілі рэдактараў усіх дзяржаўных літаратурных часопісаў, многія задаюцца пытаньнямі – што гэта значыць для нацыянальнае культуры, хто сыходзіць з сваіх пасадаў і хто прыходзіць на іхныя месцы і што будзе заўтра? Свае адказы на гэтыя пытаньні прапануе аўтар перадачы Сяргей Дубавец.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG