Лінкі ўнівэрсальнага доступу

ХВАСТОЎ НАКІРАВАЎСЯ Ў ТЭГЕРАН


Валер Каліноўскі, Менск

Паводле словаў самога Міхаіла Хвастова, ён будзе рыхтаваць візыт Аляксандра Лукашэнкі ў гэтыя тры арабскія краіны.

Што да цяперашняга візыту ў Тэгеран, то, як паведамляе Іранскае агенцтва ІРНА, Хвастоў будзе абмяркоўваць з найвышэйшым кіраўніцтвам гэтай краіны "ўмацаваньне двухбаковых палітычных, эканамічных і культурных сувязяў". Міхаіла Хваcтова прыме прэзыдэнт Ірану Махамад Хатамі, кіраўнікі парлямэнту і МЗС краіны, міністры гандлю, культуры і іслямскай арыентацыі.

Хвастоў перадасць Хатамі асабістае пасланьне А. Лукашэнкі і абмяркуе ўмовы візыту іранскага прэзыдэнта ў Менск. Як паведаіў МЗС Беларусі, такі візыт адбудзецца ўжо сёлета — Махамад Хатамі даў на гэта згоду.

Перад ад'ездам у Тэгеран спадар Хвастоў заявіў, што нічога нечаканага падчас гэтага візыту ня будзе: "гэта плянавая паездка, Беларусь лічыць Іран важным партнэрам у рэгіёне".

Нагадаем, што ЗША разглядаюць цяперашні іранскі рэжым як адно са зьвёнаў "восі зла", пра што заяўляў нядаўна прэзыдэнт ЗША Джордж Буш.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG