Праўда, пакуль адключэньне праведзенае да "аварыйнае броні" – электрычнасьць падаецца толькі на тыя ўчасткі, дзе без яе цалкам перарвецца тэхналягічны працэс. Але й за гэтую саступку няма чым плаціць... Увогуле ж на Віцебшчыне маюць запазычанасьць энэргетыкам 991 прадпрыемства, і агульная сума гэтай запазычанасьці – 127 з паловаю мільярдаў рублёў...
Віцебскую прамысловасьць за неплацяжы ўжо пакаралі, у той час як зацьверджаны немалы пералік установаў, якім нельга "перакрыць сьвятло" ні ў якім выпадку. І гэта ня толькі шпіталі ды радзільныя дамы, але й турмы, аддзяленьні міліцыі ды КДБ...
