Аляксей Маскальчук узначальваў у абласным упраўленьні надзвычайных сытуацыяў службу забесьпячэньня. Яна забясьпечвала выратавальнікаў спэцыяльнай амуніцыяй для пажараў ды іншых экстрэмальных сытуацыяў.
Паводле інфармацыі рэгіянальнага ўпраўленьня камітэту арганізаванай злачыннасьці й карупцыі, спадар Маскальчук спрычыніўся да крадзяжу спэцыяльнага адзеньня пажарных на суму каля 6 мільёнаў рублёў. Зараз яго арыштаваді й зьмясьцілі ў ізалятар часовага ўтрыманьня.
За хабарніцтва адпраўлены за краты і намесьнік кіраўніка Буда-Кашалёўскай выратавальнай службы Мікалай Залескі. Апошні карыстаўся сваім службовым становішчам, каб вымагаць хабар у прадпрымальнікаў.
Супрацоўнікі Камітэту ў справах арганізаванай злачыннасьці правяраюць і іншыя падразьдзяленьні ўпраўленьня надзвычайных сытуацыяў.
