Пра гэта стала вядома сёньня падчас паседжаньня беларускай часткі беларуска-расейскай рабочай групы ў справе падрыхтоўкі канстытуцыйнага акту. Больш за тое, сустрэча кіраўнікоў Расеі й Беларусі ў рамках паседжаньня Вышэйшай дзяржаўнай рады, хутчэй за ўсё, будзе перанесеная зь лютага на сакавік.
Сёньня былі абмеркаваныя ўсе тры варыянты дакумэнта — падрыхтаваныя беларускім бокам, Парлямэнцкім сходам саюзу Беларусі й Расеі ды Сталым камітэтам Саюзнай дзяржавы. 14 лютага праца над канстытуцыйным актам працягнецца ў Маскве на паседжаньні рабочай групы ў поўным складзе.
