Такое рашэньне судзьдзя Зайцава прыняла пасьля таго, як Яўген Новікаў двойчы не зьявіўся на працэс, распачаты супраць яго Беларускім саюзам хрысьціянаў веры Эвангельскай.
Сёньня падчас тэлефоннай размовы з судзьдзёй Яўген Новікаў чарговы раз катэгарычна адмовіўся прыйсьці ў суд. У адной са сваіх праграмаў вядучы БТ абвінаваціў хрысьціянаў пяцідзясятнікаў у тым, што яны прыносяць рытуальныя чалавечыя ахвяры, пасьля чаго абураныя вернікі падалі на яго ў суд дзеля абароны іхных гонару й годнасьці.
Наступнае судовае паседжаньне ў гэтай справе адбудзецца 20 сьнежня.