Спадара Варвашэвiча, якi ёсьць наглядальнiкам ад праваабарончага цэнтру "Вясна", мiлiцыянты затрымалi ўвечары 9 верасьня, калi ён спрабаваў трапiць на выбарчы ўчастак №11, дзе ў гэты час адбываўся падлiк галасоў.
У складзеным пратаколе аб адмiнiстрацыйным правапарушэньнi Рыгора Варвашэвiча абвiнавацiлi ў тым, што ён перашкаджаў дзейнасьцi сябраў выбарчай камiсii i не падпарадкоўваўся патрабаваньням супрацоўнiкаў мiлiцыi. Але паколькi ў пратаколе няправiльна названае iмя па бацьку затрыманага, судзьдзя Алег Мiранюк вырашыў вярнуць матэрыялы справы ў Ленiнскi РАУС Берасьця.