Лінкі ўнівэрсальнага доступу

СЁНЬНЯ РАНІЦАЙ ЛІЦЭІСТЫ Ў СЬВЕТЛАГОРСКУ ЗНОЎ ПІКЕТАВАЛІ БУДЫНАК ГАРВЫКАНКАМУ


Казімір Яноўскі, Гомельская вобласьць

На пляц да гарвыканкаму выйшлі ўсе ліцэісты. Яны патрабуюць не зачыняць ліцэй, захаваць яго як адзіную ўстанову зь беларускамоўным навучаньнем. На пляцы знаходзіліся і выкладчыкі — яны сочаць, каб супраць навучэнцаў не ўчынялі правакацыяў.

Міліцыя сёньня не падыходзіла да пікетоўцаў. Затое ўчора, калі пасьля заняткаў ліцэісты таксама пікетавалі гарвыканкам, міліцыянты запалохвалі іх велізарнымі штрафамі ў дачыненьні бацькоў.

Бацькі ж навучэнцаў учора ўвечары правялі ў ліцэі свой сход і выказалі нэгатыўнае стаўленьне да загаду кіраўніка гарадзкога аддзелу адукацыі Галіны Філіповіч пра спыненьне фінансаваньня ліцэю з будучага панядзелка і перадачы ліцэйскіх клясаў у склад сярэдняй школы №1.

Сход бацькоў падрыхтаваў ліст у Міністэрства адукацыі краіны. Яны просяць разгледзець два варянты лёсу ліцэю: узаконіць яго як філію Нацыянальнага дзяржаўнага ліцэю, альбо надаць яму статус самастойнай навучальнай установы з зацьверджаньнем неабходнай дакумэнтацыі.

З пачатку навучальнага году ня надта спакойна пачуваюцца ня толькі сьветлагорскія ліцэісты, але й некаторыя рэчыцкія школьнікі. Учора з урокаў у пракуратуру выклікалі дзесяцікяасьніка сярэдняй школы №4 Зьмітра Цярэнцьева. Ён перадаваў гумарыстычныя падарункі да дня народзінаў кіраўніка дзяржавы, таму яго разам зь іншымі маладымі рэчычанамі абвінавачваюць у абразе прэзыдэнта. У крымінальнай справе з падарункамі прэзыдэнту пракуратура хоча бачыць школьніка сьведкам.

Сёньня ж сьледчы пракуратуры Дзям'янчык прад'явіў афіцыйнае абвінавачаньне маладой настаўніцы Натальлі Брэль паводле двух артыкулаў Крымінальнага кодэксу — 367 і 368 ("Абраза і паклёп на прэзыдэнта"). Артыкулы прадуглежваюць буйныя штрафы, арышт да 6 месяцаў, папраўчыя работы альбо нават пазбаўленьне волі на 4-гадовы тэрмін.


Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG