Ідэя сабраць бібліятэку прыйшла да журналістаў падчас наведваньня арыштаванага Валер'я Шчукіна. Тады супрацоўнікі адміністрацыі жодзінскага СІЗА распавядалі журналістам пра ўмовы ўтрыманьня ды паскардзіліся на тое, што непаўнагадовым арыштантам няма чаго чытаць. Бібліятэкі ў сьледчых ізалятарах прадугледжаныя, але кніг там амаль няма.
Журналісты прыносілі выданьні са сваіх уласных бібліятэк, і сёньня ў жодзінскае СІЗА адвезьлі больш за 600 асобнікаў.