Тут, у штабе “Незалежнага назіраньня”, пацьвярджаюць афіцыйную інфармацыю па яўцы выбаршчыкаў – на 18 гадзінаў менскага часу – 75 адсоткаў.
Прыйшлі першыя зьвесткі па так званых закрытых участках. Паводле іх, перамагае Лукашэнка. Але ня ўсюды. У адным з ЛТП перамог Ганчарык, а ў Баранавіцкім роддоме пацыенткі прагаласавалі супраць усіх.
Прадстаўнікі “Незалежнага назіраньня” чакаюць у другой палове дня масавых парушэньняў выбарчага заканадаўства.
