Лінкі ўнівэрсальнага доступу

СУСЬВЕТНЫ ДРУК ІМГНЕННА АДГУКНУЎСЯ НА ЗЬЯЎЛЕНЬНЕ ЎЧОРАШНЯЙ ВІДЭАКАСЭТЫ


Сяргей Шупа, Прага

Відэастужка дадала новай вагі цьверджаньням пра тое, што арганізаваны ўладамі «эскадрон сьмеці» забіў дваіх палітычных апанэнтаў Аляксандра Лукашэнкі, - піша газэта і працягвае. – Гэтая інфармацыя – самая апошняя ў сэрыі абвінавачаньняў улады Лукашэнкі ў тэроры і рэпрэсіях супраць апанэнтаў рэжыму. З набліжэньнем прэзыдэнцкіх выбараў Лукашэнкавы апанэнты спадзяюцца, што гэтыя сьведчаньні пераканаюць 10-мільённае насельніцтва краіны ў неабходнасьці адхіленьня Лукашэнкі ад улады.

З гэтым цьверджаньнем пагаджаецца яшчэ адна амэрыканская газэта – The New York Times. Цяперашні барабанны бой абвінавачаньняў, як выглядае, разьлічаны на тое, каб вывесьці Лукашэнку з раўнавагі і расштурхаць традыцыйна млявы беларускі электарат.

«Новыя абвінавачаньні на адрас Лукашэнкі». Сьледчыя КГБ паведамляюць пра дэталі забойства апазыцыянэраў. У Беларусі рэжыму аўтарытарнага кіраўніка Лукашэнкі выстаўленыя новыя абвінавачаньні – паведамляе сёньняшняя Frankfurter Allgemeine Zeitung. Газэта падрабязна пераказвае зьмест усяго, што распавялі зьнятыя на відэакасэце людзі.

«Новая відэакасэта пра беларускі «эскадрон сьмерці»» - гэтак гучыць загаловак у польскай Gazecie Wyborczej. Аўтар публікацыі Цэзары Галіньскі зазначае, што ўлады пакуль не камэнтуюць зьмест касэты.

Швэдзкая Svenska Dagbladet зьмяшчае ў сёньняшнім нумары матэрыял пад загалоўкам «Эскадрон сьмерці забіў беларускага віцэ-прэм’ера». Газэта пераказвае зьмест касэты і цытуе прэсавага сакратара КГБ Фёдара Котава, які выказаў сумнеў у тым, што людзі на касэце – сапраўды тыя, кім яны назваліся.

А вось гішпанская El País, у сваім загалоўку паведамляе ні больш ні менш: «Беларускі КГБ вінаваціць прэзыдэнта ў забойстве».


Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG