Сёньня ўчастковы міліцыянт з Бараўлянаў Сяргей Міхалевіч, які зьбірае матэрыял з мэтай узбуджэньня крымінальнай справы, паведаміў нашаму радыё, што расколатая напалам мармуровая лаўка зусім зьнікла з Курапатаў.
(Міхалевіч: ) "Людзей апытваем, а ў лесе, самі ведаеце — мала каго сустрэнеш. Сёньня я зноў езьдзіў уКурапаты. Нікога там не знайшоў і нават гэтага помніка я не знайшоў ужо".
(Карэспандэнт: ) "А дзе ён падзеўся?"
(Міхалевіч: ) "Самі ня ведаем, мы сёньня прыехалі, каб забраць у сельсавет, а ўжо няма яго. Каб ведалі, што такое будзе, то засаду зрабілі б там. Каму гэта спатрэбілася толькі, цікава".
Сяргей Міхалевіч паведаміў, што крымінальню справу могуць распачаць на працягу 10 дзён.
У амбасадзе ЗША і ў Менскім райвыканкаме паведамілі Свабодзе, што ім нічога пра лёс мэмарыяльнага знака ад амэрыканскага народу невядома.
