Па абодвух баках праспэкту ад плошчы Незалежнасьці да Кастрычніцкай стаяць сотні людзі, якія трымаюць партрэты згаданых людзей.
Людзі зьбіраюцца і падыходзяць. На акцыі – сваякі зьніклых і загіблых.
Сын Дзьмітрыя Завадзкага, рыхтуючыся даць інтэрвію тэлеканалу ОРТ, ня вытрымаў і заплакаў…
Вялікай прысутнасьці міліцыянтаў няма, але поўна людзей у цывільным. Яны стаяць групамі, але чуваць, як у іх гучыць рацыя. Ніякіх дзеяньняў яны ня робяць.
Што да цікаўнасьці мінакоў – яны спыняюцца, падыходзяць, некаторыя йшлі сваёй дарогай, але станавіліся побач, бралі партрэты ў рукі.
Адмысловы зварот да грамадзянаў падпісалі Ўладзімір Ганчарык, Сямён Домаш, Міхаіл Чыгір, Ніл Гілевіч, Анатоль Лябедзька іншыя вядомыя людзі. Яны адзначаюць, што, калі ў Гішпаніі забілі маладога хлопцы, сотні тысяч людзей выйшлі на вуліцы. Чаму маўчаць беларусы?
