Чытачы штотыднёвіка "Рабочы" атрымаюць чарговы нумар, у якім рэдакцыя пацікавілася роздумам моладзі Беларусі аб тым, як юнакі і дзяўчаты ды іх бацькі ставяцца да маючых адбыцца ў верасьні выбараў прэзыдэнта краіны. Апытанне праводзілася на вуліцах і плошчах Менску. Адказы, зразумела, розныя. Але ж найбольш распаўсюджаную думку сфармуляваў апошні з аптынных:
– Асабіста я пайду на выбары і прагаласую за таго кандыдата, які разам з Лукашэнкам выйдзе ў другі тур. Я прагаласую за Нелукашэнку!..
На старонцы "Мая краіна" зьмешчана інтэрвію са старшынём Цэнтральнай Каардынацыйнай рады па назіраньні за выбарамі, генэралам-лейтэнантам міліцыі Мечыславам Грыбам пад назвай "Дэмакратыя і правапарадак". Вядомы ў краіне юрыст аналізуе праблемы абароны законнасьці і барацьбы з карупцыяй, сьцьвярджаючы, што прафэсійныя сілы аховы правапарадку – неабходны інстытут у дэмакратычнай дзяржаве.
Акрамя таго ў нумары:
- падборка паведамленьняў аб ходзе грамадзкай акцыі "Выбірай!";
- аповед аб тым, як сябры Беларускай асацыяцыі журналістаў перадавалі ў праваахоўныя органы запыт пра расьсьледаваньне зьнікненьня свайго калегі Зьмітра Завадскага (пад патрабаваньнем падпісаліся 274 журналісты);
- працяг матэрыялаў унікальнага дасьледаваньня пра антыбальшавіцкі сапраціў на Беларусі ў 20-е годы (па кнізе Н. Стужынскай "Беларусь мяцежная");
- традыцыйна "Беларускі каляндар", "Курылка", нізка вершаў нашых чытачоў і г.д.
