Менская місія АБСЭ ніяк не камэнтуе заяву кіраўнікоў Кансэрватыўна-Хрысьціянскае партыі БНФ, якія абвінавачваюць Кансультацыйна-назіральную групу АБСЭ ў легітымізацыі рэжыму Аляксандра Лукашэнкі. У менскай штаб-кватэры АБСЭ заявілі, што няма падставы рэагаваць на выпады асобных беларускіх палітыкаў. Сёньняшняя выніковая прэсавая канфэрэнцыя прадстаўнікоў Парлямэнцкай асамблеі Рады Эўропы адбывалася без удзелу кіраўніка Кансультацыйна-назіральнае групы АБСЭ Ганса-Георга Віка: ураніцу спадар Вік тэрмінова пакінуў Менск і адляцеў у Нямеччыну. Таму высьветліць рэакцыю непасрэдна спадара Віка на заяву Зянона Пазьняка і Юры Беленькага не ўдалося. Мы зьвязаліся зь менскім прадстаўніцтвам місіі АБСЭ з надзеяй атрымаць камэнтар намесьніка старшыні місіі Мішэля Рывалье, які, дарэчы, разам з Гансам-Георгам Вікам таксама быў абвінавачваны "…у антыдэмакратычных і антыбеларускіх дзеяньнях". (Жаночы голас: ) "На якую тэму Вы б хацелі пагаварыць?" (Карэспандэнт: ) "На тэму заявы Кансэрватыўна-Хрысьціянскай партыі БНФ, у якой гучыць абвінавачваньне на адрас місіі АБСЭ, у прыватнасьці, спадара Віка і Рывалье…" (Жаночы голас: ) "Рэч у тым, што ў нас ніякіх камэнтароў на гэтую тэму няма…" (Карэспандэнт: ) "А з чым гэта зьвязана?" (Жаночы голас: ) "Ну як жа, ніякіх асаблівых прычынаў няма…" (Карэспандэнт: ) "Гэта афіцыйная пазыцыя місіі АБСЭ ці прыватная пазыцыя спадара Рывалье?" (Жаночы голас: ) "Я ня думаю, што Вы гэта можаце абмяркоўваць толькі са спадаром Вікам…" (Карэспандэнт: ) "Такім чынам, гэта афіцыйная пазыцыі місіі АБСЭ ў Менску – не камэнтараваць гэтую заяву?" (Жаночы голас: ) "Прынамсі пакуль – так". Такім чынам, як мінімум да 14 жніўня, калі спадар Вік плянуе зьявіцца ў Беларусі, менская місія АБСЭ будзе захоўваць маўчаньне з нагоды жорсткае заявы кіраўніцтва Кансэрватыўна-Хрысьціянскае партыі БНФ. Дарэчы, як стала вядома з дасьведчаных крыніцаў, пад час паседжаньня Кансультацыйна-назіральнае групы з прадстаўнікамі розных палітычных плыняў, спадар Вік усё ж выказаўся з нагоды заявы Пазьняка й Беленькага. Ён сказаў, што заява зусім не адпавядае рэчаіснасьці, і калі яна будзе агучаная ў СМІ, ён вымушаны будзе даць адпаведны адказ. Дакладна вядома і тое, што лідэры партыяў – Анатоль Лябедзька, Сяргей Калякін і Станіслаў Шушкевіч – прасілі Сяргея Папкова не перадаваць тэкст заявы ў мас-мэдыі, паколькі, маўляў, гэта нэгатыўна паўплывае перш за ўсё на апазыцыйны рух. Тады спадар Папкоў не адказаў нічога канкрэтнага. Але пасьля трохдзённага маўчаньня кіраўніцтва партыі ўсё ж распаўсюдзіла заяву. Чым было матываванае такое рашэньне, я пацікавіўся ў выканаўцы абавязкаў старшыні Кансэрватыўна-Хрысьціянскае партыі БНФ Юры Беленькага… (Карэспандэнт: ) "Спадар Юры, Вам вядомая нейкая рэакцыя на вашую заяву з боку кіраўніцтва менскае місіі АБСЭ?" (Беленькі: ) "Мы цэлы год назіраем за дзеяньнямі групы АБСЭ ў Менску. Раней думалі, а раптам яны недастаткова інфармаваныя. Вельмі насьцярожыла заява спадара Віка: любая дзяржава можа прымаць і ўступаць у любыя саюзы, хаця відавочна было – нелегітымны рэжым, нелегітымны парлямант, нелегітымны прэзыдэнт заключаюць насуперак Канстытуцыі саюз з Расеяй, які пры рэалізацыі ліквідуе нашую незалежнасьць. Вік сам пад час паездак па рэгіёнах фактычна заклікаў апазыцыю да ўдзелу ў выбарах. Значыць, наступнае - прызнаньне гэтых выбараў з боку эўрапейскіх структураў, легітымізацыя лукашэнкаўскіх палатаў і гэтая тады легітымная ўлада ліквідуе нашую дзяржаўнасьць. Вось чым была выкліканая гэтая заява." (Карэспандэнт: ) "Спадар Юры, а Вам вядомая нейкая рэакцыя на Вашую заяву з боку кіраўніцтва менскай місіі АБСЭ?" (Беленькі: ) "Афіцыйнай рэакцыі мы ня бачылі. Інтэрпрэтацыя рэакцыі ня можа служыць падставай для нашых камэнтароў. Афіцыйнай не было, хаця мы чакалі, бо прайшло дастаткова часу".
Менская місія АБСЭ ніяк не камэнтуе заяву кіраўнікоў Кансэрватыўна-Хрысьціянскае партыі БНФ, якія абвінавачваюць Кансультацыйна-назіральную групу АБСЭ ў легітымізацыі рэжыму Аляксандра Лукашэнкі. У менскай штаб-кватэры АБСЭ заявілі, што няма падставы рэагаваць на выпады асобных беларускіх палітыкаў. Сёньняшняя выніковая прэсавая канфэрэнцыя прадстаўнікоў Парлямэнцкай асамблеі Рады Эўропы адбывалася без удзелу кіраўніка Кансультацыйна-назіральнае групы АБСЭ Ганса-Георга Віка: ураніцу спадар Вік тэрмінова пакінуў Менск і адляцеў у Нямеччыну. Таму высьветліць рэакцыю непасрэдна спадара Віка на заяву Зянона Пазьняка і Юры Беленькага не ўдалося. Мы зьвязаліся зь менскім прадстаўніцтвам місіі АБСЭ з надзеяй атрымаць камэнтар намесьніка старшыні місіі Мішэля Рывалье, які, дарэчы, разам з Гансам-Георгам Вікам таксама быў абвінавачваны "…у антыдэмакратычных і антыбеларускіх дзеяньнях". (Жаночы голас: ) "На якую тэму Вы б хацелі пагаварыць?" (Карэспандэнт: ) "На тэму заявы Кансэрватыўна-Хрысьціянскай партыі БНФ, у якой гучыць абвінавачваньне на адрас місіі АБСЭ, у прыватнасьці, спадара Віка і Рывалье…" (Жаночы голас: ) "Рэч у тым, што ў нас ніякіх камэнтароў на гэтую тэму няма…" (Карэспандэнт: ) "А з чым гэта зьвязана?" (Жаночы голас: ) "Ну як жа, ніякіх асаблівых прычынаў няма…" (Карэспандэнт: ) "Гэта афіцыйная пазыцыя місіі АБСЭ ці прыватная пазыцыя спадара Рывалье?" (Жаночы голас: ) "Я ня думаю, што Вы гэта можаце абмяркоўваць толькі са спадаром Вікам…" (Карэспандэнт: ) "Такім чынам, гэта афіцыйная пазыцыі місіі АБСЭ ў Менску – не камэнтараваць гэтую заяву?" (Жаночы голас: ) "Прынамсі пакуль – так". Такім чынам, як мінімум да 14 жніўня, калі спадар Вік плянуе зьявіцца ў Беларусі, менская місія АБСЭ будзе захоўваць маўчаньне з нагоды жорсткае заявы кіраўніцтва Кансэрватыўна-Хрысьціянскае партыі БНФ. Дарэчы, як стала вядома з дасьведчаных крыніцаў, пад час паседжаньня Кансультацыйна-назіральнае групы з прадстаўнікамі розных палітычных плыняў, спадар Вік усё ж выказаўся з нагоды заявы Пазьняка й Беленькага. Ён сказаў, што заява зусім не адпавядае рэчаіснасьці, і калі яна будзе агучаная ў СМІ, ён вымушаны будзе даць адпаведны адказ. Дакладна вядома і тое, што лідэры партыяў – Анатоль Лябедзька, Сяргей Калякін і Станіслаў Шушкевіч – прасілі Сяргея Папкова не перадаваць тэкст заявы ў мас-мэдыі, паколькі, маўляў, гэта нэгатыўна паўплывае перш за ўсё на апазыцыйны рух. Тады спадар Папкоў не адказаў нічога канкрэтнага. Але пасьля трохдзённага маўчаньня кіраўніцтва партыі ўсё ж распаўсюдзіла заяву. Чым было матываванае такое рашэньне, я пацікавіўся ў выканаўцы абавязкаў старшыні Кансэрватыўна-Хрысьціянскае партыі БНФ Юры Беленькага… (Карэспандэнт: ) "Спадар Юры, Вам вядомая нейкая рэакцыя на вашую заяву з боку кіраўніцтва менскае місіі АБСЭ?" (Беленькі: ) "Мы цэлы год назіраем за дзеяньнямі групы АБСЭ ў Менску. Раней думалі, а раптам яны недастаткова інфармаваныя. Вельмі насьцярожыла заява спадара Віка: любая дзяржава можа прымаць і ўступаць у любыя саюзы, хаця відавочна было – нелегітымны рэжым, нелегітымны парлямант, нелегітымны прэзыдэнт заключаюць насуперак Канстытуцыі саюз з Расеяй, які пры рэалізацыі ліквідуе нашую незалежнасьць. Вік сам пад час паездак па рэгіёнах фактычна заклікаў апазыцыю да ўдзелу ў выбарах. Значыць, наступнае - прызнаньне гэтых выбараў з боку эўрапейскіх структураў, легітымізацыя лукашэнкаўскіх палатаў і гэтая тады легітымная ўлада ліквідуе нашую дзяржаўнасьць. Вось чым была выкліканая гэтая заява." (Карэспандэнт: ) "Спадар Юры, а Вам вядомая нейкая рэакцыя на Вашую заяву з боку кіраўніцтва менскай місіі АБСЭ?" (Беленькі: ) "Афіцыйнай рэакцыі мы ня бачылі. Інтэрпрэтацыя рэакцыі ня можа служыць падставай для нашых камэнтароў. Афіцыйнай не было, хаця мы чакалі, бо прайшло дастаткова часу".
Самае папулярнае
1