Камэнтар Аляксандра Саснова, намесьніка дырэктара Незалежнага інстытуту сацыяльна- эканамічных і палітычных дасьледваньняў, экс-міністра працы Беларусі ў сувязі з закачэньнем першых 100 дзён пасьля прызначэньня Уладзіміра Ярмошына прэм'ер-міністрам… (Сасноў: ) "Нашае апытаньне – апытаньне НІСЭПІ, паказала, што толькі 6 працэнтаў насельніцтва лічыць, што замена Лінга Ярмошыным магла б прывесьці да нейкага паляпшэньня сытуацыі. Але 7 працэнтаў наадварот кажуць, што яна пагоршыцца. 37 працэнтаў адказалі, што нічога ня зменіцца. Відаць, што так і адбылося на самой справе. Адзінае, што можна сказаць, зьмянілася – гэта тое, што афіцыйны курс даляра хуткімі тэмпамі ідзе ў гару, набліжаецца хуткім чынам да курсу "чорнага рынку". А "чорны курс" стаіць. Гэта адзіная зьмена, якую можна назіраць. Што тычыцца іншага, дык ёсьць пэўны рост вытворчасьці ў прамысловасьці. Алё ён быў прыкметны яшчэ да замены Лінга на Ярмошына. Зьвязана гэта, паводле меркаваньня аналітыкаў, з ростам вытворчасьці ў Расеі, дзе ў сваю чаргу рост зьвязаны з цаной на нафту. Але зараз было прынятае рашэньне краінамі, якія здабываюць нафту, аб тым, каб падвысіць трохі здабычу, ну, і вядома, гэта прывядзе да падзеньня цэнаў на яе ў Расеі. І гэта ў сваю чаргу адаб'ецца на пазыцыях прамысловасьці Беларусі. Пытаньне ўсё ў тым, што вось гэтае збліжэньне афіцыйнага курсу з курсам чорнага рынку прывядзе да падзяеньня даляравага эквіваленту заработнай платы й пэнсіяў. І я думаю, што ўвосені ўрад будзе вымушаны зноў ужыць у дапамогу друкарскі станок, каб выйсьці са становішча."
Самае папулярнае
1