Лінкі ўнівэрсальнага доступу

Навіны 26 красавіка 2000 г.


Вольга Караткевіч

Сёньня ў сталіцы Бэльгіі апоўдні паводле эўрапейскага часу адбылося пікетаваньне амбасады Беларусі. На сувязі з Брусэлем – адзін з арганізатараў пікету – Ігар Лазарчук.

(Лазарчук: ) "Дазвол мы мелі на гадзіну, нас было 30-35 чалавек, таксама ўдзел бралі прадстаўнікі старой плыні беларускай эміграцыі – пасьляваеннай. Гэта спадар Жучка і спадар Арэшка. Мы трымалі плякаты, на якіх былі назвы "Лукашэнка – духоўны Чарнобыль", "Не – працы студэнтаў у Чарнобыльскай зоне", "Чыстыя прадукты харчаваньня", таксама трымалі плякаты "За свабодныя выбары на Беларусі", "Свабоду Беларускім вязьням" і "Свабоду мас-медыя".

З прадстаўнікоў беларускай амбасады ніхто да нас ня выйшаў. Але адбыўся цікавы выпадак – адчынілася вакно і нас ужо адкрыта здымалі на фотаапараты і на відэакамэру, гэта першы адкрыты выпадак – раней нас здымалі хоць пры заштораных вокнах. Мы ўжо стварылі ў Бэльгіі беларускі цэнтар і выступалі як юрыдычная адзінка, але на нашыя просьбы зь беларускага боку ніякі супрацоўнік амбасады ня выйшаў".

Гутарыла

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG