Лінкі ўнівэрсальнага доступу

Навіны 11 студзеня 2000 г.


Альгерд Невяроўскі, Менск

Сёньня група актывістаў Свабоднага прафэсійнага зьвязу прадпрыймальнікаў падала ў Менскі гарадзкі выканаўчы камітэт заяўку на правядзеньне ў сталіцы 31 студзеня мітынгу пратэсту.

Раней кіраўніцтва Cвабоднага прафэсійнага зьвязу прыняла рашэньне распачаць зь 1 лютага агульнанацыянальны страйк на рэчавых кірмашох краіны.

Як паведаміў нашаму радыё старшыня прафзьвязовага камітэту Менскага кірмашу "Дынама" Леанід Каліценя, удзел у страйку гатовыя ўзяць да 90 адсоткаў прыватных прадпрыймальнікаў Беларусі.

Прыватныя гандляры пратэстуюць супраць увядзеньня 20-адсоткавага падатку на даданую вартасьць, які, на думку многіх дробных прадпрыймальнікаў, значна падвысіць кошт тавару на рынках і прывядзе іх да банкруцтва. Закон пра выплату гэтага падатку ўсімі суб'ектамі гаспадараньня ў Беларусі набыў моц 1 студзеня сёлета.

Кіраўніцтва Свабоднага прафэсійнага зьвязу заклікае прыватных прадпрыймальнікаў працягваць страйк да таго часу, пакуль улады не адменяць свайго рашэньня.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG