Як падаецца, беларускаму грамадзтву ў бліжэйшыя месяцы не абмінуць новых крымінальных справаў, заведзеных на вядомых у краіне людзей. Яшчэ ня скончылася кампанія па спагнаньню т.зв. "нявернутых крэдытаў" як выказанае жаданьне ўладаў распачаць новую. Выступаючы 5 жніўня па дзяржаўнай тэлевізыі, Аляксандар Лукашэнка абвясьціў, што мае намер "ачысьціць ад крыміналу эканамічную сфэру, зьвязаную з энэргаразьлікамі". Між тым, варта зьвярнуць увагу менавіта на тое, хто ж спрычыніўся да ўтварэньня гэтага крымінальнага асяродку... Знакаміты "нулявы" варыянт чатырохгадовай даўніны па скасаваньні Масквою фінансавых даўгоў Беларусі за пастаўленыя ёй энэрганосьбіты, як сьведчыць гісторыя беларуска-расейскіх дачыненьняў, не прынёс ім чаканага аздараўленьня. Пляны Аляксандар Лукашэнкі пасьля "нулявога" варыянту перайсьці да энэргетычных стасункаў з Расеяй без утварэньня новых запазычанасьцяў за спажываньне ейнага газу, нафты й электрычнасьці, зноў жа, як сьведчыць гэтая гісторыя, з гучным трэскам праваліліся. У 95-м, 96-м ды ў наступныя гады беларуская дзяржава пад кіраўніцтвам Лукашэнкі аказалася ня ў стане ня толькі своечасова разьлічвацца за расейскі энэргетычны тавар, але й галоўнае, фінансавымі рэсурсамі іхны дэфіцыт у дзяржаўнай казьне, які назіраецца й па сёньняшні дзень, спрычыніўся да палітыкі афіцыйнага Менску, што прадугледжвае таварную кампэнсацыю за энэргетычныя пастаўкі. Трэба сказаць, такая форма эканамічных зносінаў партнэраў па інтэграцыі ў энэргетычнай сфэры прыйшлася Лукашэнку даспадобы. Неканкурэнтаздольныя на міжнародных рынках тавары Беларусі ў залік за пастаўкі энэрганосьбітаў знаходзілі й знаходзяць попыт у вялізнай Расеі. Узамен прадукцыі таго ж "Газпрому" на ўсход кіруюцца цягнікі зь беларускім трактарамі, халадзільнікамі, тэлевізарамі, абуткам, прадукцыяй аграрнага сэктару. Рэч, аднак, у тым, што такая безграшовая форма разьлікаў за расейскія энэрганосьбіты стварае спрыяльныя ўмовы для злоўжываньняў. Удзельнікі так званага працэсу энэргазалікаў атрымліваюць выдатны магчымасьці дзеля ўласнага ўзбагачэньня гіганцкія памеры бартэру спарадзілі вялізныя ценявыя прыбыткі ў сфэры энэргазалікаў. Вось чаму яна стала сфэраю канкурэнцыі як бізнэсовых структураў, што непасрэдна рэалізуюць у Расеі беларускія тавары, так і дзяржаўных чыноўнікаў, якія курыруюць гэты бізнэс за дзяржаўны кошт. Прыкладам, у 1997 годзе энэргазалікі паміж Газпрамам і Рэспублікаю Беларусь ажыцьцяўлялі 33 кампаніі. Летась камітэт дзяржаўнага кантролю паводле ўказаньня Лукашэнкі правяраў іхную дзейнасьць і выявіў, паводле зьвестак з добра інфармаваных крыніцаў, мноства парушэньняў. У прыватнасьці, удзельнікі энэргазалікаў рэалізоўвалі тавар у Расеі значна даражэй за лічбы, дакумантальна аформленыя ў Беларусі. Другі распаўсюджаны від парушэньняў, калі пасярэднікі афармлялі адную прадукцыю ў лік паставак Расеі за газ, а вывозілі зь Беларусі зусім іншыя тавары. Нарэшце, кантралёры адзначаюць выпадкі, калі беларускія тавары навогул, зьнікалі ў Расеі бясьсьледна і, зразумела, аніякіх залікаў за энэрганосьбіты не рабілася. Усялякія спробы Лукашэнкі наладзіць у гэтай сфэры дакладны ўлік таварных паставак і мінімізаваць страты беларускай дзяржавы посьпехаў ня мелі. Дзяржаўны канцэрн "Белрэсурсы", якому была пастаўленая задача замяніць сабою недзяржаўных пасярэднікаў, як канстатаваў надоечы ўрад, зь ёю ня справіўся. Таму беларуска-расейскія энэргетычныя стасункі, як лічаць назіральнікі, працягваюць прыносіць вялізныя прыбыткі ўплывовым дзялкам. Здаецца, аднак, што Аляксандар Лукашэнка на некаторых зь іх вырашыў у бліжэйшы час надзець кайданкі. Ва ўсялякім разе, як вынікае зь ягонага тэлевізыйнага выступу 5 жніўня, арганізаваных ім чарговых спэктакляў на крымінальныя тэмы чакаць засталося нядоўга.
Як падаецца, беларускаму грамадзтву ў бліжэйшыя месяцы не абмінуць новых крымінальных справаў, заведзеных на вядомых у краіне людзей. Яшчэ ня скончылася кампанія па спагнаньню т.зв. "нявернутых крэдытаў" як выказанае жаданьне ўладаў распачаць новую. Выступаючы 5 жніўня па дзяржаўнай тэлевізыі, Аляксандар Лукашэнка абвясьціў, што мае намер "ачысьціць ад крыміналу эканамічную сфэру, зьвязаную з энэргаразьлікамі". Між тым, варта зьвярнуць увагу менавіта на тое, хто ж спрычыніўся да ўтварэньня гэтага крымінальнага асяродку... Знакаміты "нулявы" варыянт чатырохгадовай даўніны па скасаваньні Масквою фінансавых даўгоў Беларусі за пастаўленыя ёй энэрганосьбіты, як сьведчыць гісторыя беларуска-расейскіх дачыненьняў, не прынёс ім чаканага аздараўленьня. Пляны Аляксандар Лукашэнкі пасьля "нулявога" варыянту перайсьці да энэргетычных стасункаў з Расеяй без утварэньня новых запазычанасьцяў за спажываньне ейнага газу, нафты й электрычнасьці, зноў жа, як сьведчыць гэтая гісторыя, з гучным трэскам праваліліся. У 95-м, 96-м ды ў наступныя гады беларуская дзяржава пад кіраўніцтвам Лукашэнкі аказалася ня ў стане ня толькі своечасова разьлічвацца за расейскі энэргетычны тавар, але й галоўнае, фінансавымі рэсурсамі іхны дэфіцыт у дзяржаўнай казьне, які назіраецца й па сёньняшні дзень, спрычыніўся да палітыкі афіцыйнага Менску, што прадугледжвае таварную кампэнсацыю за энэргетычныя пастаўкі. Трэба сказаць, такая форма эканамічных зносінаў партнэраў па інтэграцыі ў энэргетычнай сфэры прыйшлася Лукашэнку даспадобы. Неканкурэнтаздольныя на міжнародных рынках тавары Беларусі ў залік за пастаўкі энэрганосьбітаў знаходзілі й знаходзяць попыт у вялізнай Расеі. Узамен прадукцыі таго ж "Газпрому" на ўсход кіруюцца цягнікі зь беларускім трактарамі, халадзільнікамі, тэлевізарамі, абуткам, прадукцыяй аграрнага сэктару. Рэч, аднак, у тым, што такая безграшовая форма разьлікаў за расейскія энэрганосьбіты стварае спрыяльныя ўмовы для злоўжываньняў. Удзельнікі так званага працэсу энэргазалікаў атрымліваюць выдатны магчымасьці дзеля ўласнага ўзбагачэньня гіганцкія памеры бартэру спарадзілі вялізныя ценявыя прыбыткі ў сфэры энэргазалікаў. Вось чаму яна стала сфэраю канкурэнцыі як бізнэсовых структураў, што непасрэдна рэалізуюць у Расеі беларускія тавары, так і дзяржаўных чыноўнікаў, якія курыруюць гэты бізнэс за дзяржаўны кошт. Прыкладам, у 1997 годзе энэргазалікі паміж Газпрамам і Рэспублікаю Беларусь ажыцьцяўлялі 33 кампаніі. Летась камітэт дзяржаўнага кантролю паводле ўказаньня Лукашэнкі правяраў іхную дзейнасьць і выявіў, паводле зьвестак з добра інфармаваных крыніцаў, мноства парушэньняў. У прыватнасьці, удзельнікі энэргазалікаў рэалізоўвалі тавар у Расеі значна даражэй за лічбы, дакумантальна аформленыя ў Беларусі. Другі распаўсюджаны від парушэньняў, калі пасярэднікі афармлялі адную прадукцыю ў лік паставак Расеі за газ, а вывозілі зь Беларусі зусім іншыя тавары. Нарэшце, кантралёры адзначаюць выпадкі, калі беларускія тавары навогул, зьнікалі ў Расеі бясьсьледна і, зразумела, аніякіх залікаў за энэрганосьбіты не рабілася. Усялякія спробы Лукашэнкі наладзіць у гэтай сфэры дакладны ўлік таварных паставак і мінімізаваць страты беларускай дзяржавы посьпехаў ня мелі. Дзяржаўны канцэрн "Белрэсурсы", якому была пастаўленая задача замяніць сабою недзяржаўных пасярэднікаў, як канстатаваў надоечы ўрад, зь ёю ня справіўся. Таму беларуска-расейскія энэргетычныя стасункі, як лічаць назіральнікі, працягваюць прыносіць вялізныя прыбыткі ўплывовым дзялкам. Здаецца, аднак, што Аляксандар Лукашэнка на некаторых зь іх вырашыў у бліжэйшы час надзець кайданкі. Ва ўсялякім разе, як вынікае зь ягонага тэлевізыйнага выступу 5 жніўня, арганізаваных ім чарговых спэктакляў на крымінальныя тэмы чакаць засталося нядоўга.
Самае папулярнае
1