Каардынацыйная рада дэмакратычных сіл ня здолела зацьвердзіць
дакладнага мэханізму вылучэньня адзінага кандыдата ад аб’яднанай апазыцыі
на сёлетнія прэзыдэнцкія выбары.
Асобу кандыдата, верагодна, вызначыць Кангрэс дэмакратычных сіл, які
адбудзецца ў сакавіку. Рыхтавацца да яго вырашылі пачаць ужо сёньня.
Прадстаўнікі Каардынацыйнай рады вырашылі запрасіць трох патэнцыйных
кандыдатаў — спадарства Чыгіра, Домаша й Ганчарыка — на наступнае паседжаньне
Рады, дзе яны, магчыма, падпішуць дэклярацыю пра супольныя дзеяньні пад
час выбарчай кампаніі.
Сябры Каардынацыйнай рады спадзяюцца, што да Кангрэсу ім удасца стварыць
агульны перадвыбарчы блёк апазыцыйных партыяў і Фэдэрацыі прафсаюзаў. Каардынацыйная
рада правядзе на наступным тыдні Круглы стол з удзелам усіх апазыцыйных
цяперашнім уладам сілаў, каб узгадніць пазыцыі напярэдадні прэзыдэнцкіх
выбараў.
Альгерд Невяроўскі, Менск
Самае папулярнае
1