Учора прадстаўнік ЗША пры Пастаяннай радзе АБСЭ ў Вене Дэвід Джонсан
зрабіў афіцыйную заяву ў справе Беларусі. У ёй беларускія ўлады заклікаюцца
прыпыніць тактыку рэпрэсіяў супраць тых, хто выступае за байкот выбараў
і дыскрымінацыю незалежных кандыдатаў. У сувязі з гэтым мы пазванілі ў
Вену і папрасілі амбасадара Дэвіда Джонсана пракаментаваць ягоную заяву.
На пачатку майго інтэрвію я папрасіў Дэвіда Джосана пракамэнтаваць,
ці ўчорашняя заява азначае, што Беларусь зьяўляецца прыярытэтам ў вонкавай
палітыцы ЗША?
(Джонсан: ) “Я хачу падкрэсьліць, што на пачатку гэтага тыдня Дзяржаўны
сакратар ЗША правяла ў справе Беларусі нараду Камітэту вонкавай палітыкі.
Яна таксама сустракалася дзеля абмеркаваньня гэтага пытаньня з адным з
кангрэсмэнаў. Яны таксама выказваюць цікавасьць. Яна падкрэсьліла як гэта
важна для нас, як важна ажыцьцявіць усе неабходныя крокі, каб дапамагчы
народу Беларусі аднавіць дэмакратыю”.
Складаецца такое ўражаньне, што ЗША найбольш пасьлядоўна і рашуча выказваюцца
ў падтрымку беларускай дэмакратыі. А вось Эўрапейскі Зьвяз такой рашучасьці
не выказвае. Ці гэта сапраўды так? Чаму не заўсёды Захад гаворыць з беларускімі
ўладамі адным голасам? Прадстаўнік ЗША пры АБСЭ Дэвід Джонсан адказвае:
(Джонсан: ) “Часам даволі цяжка дасягнуць аднадумства ў некаторых пытаньнях.
І пытаньне, якім чынам дапамагчы беларускаму народу вярнуцца да дэмакратыі,
выключна складанае. Але калі мы будзем працаваць разам з нашымі эўрапейскімі
партнэрамі, мы дасягнем гэтага. Калі вы зьвернеце ўвагу на афіцыйную заяву,
якую ЭЗ зрабіў на ўчорашнім паседжаньні ў справе Беларусі, дык яна вытрыманая
ў вельмі моцных выразах і шмат у чым супадае з нашай”.
Дарэчы тэкст заявы Эўрапейскага Зьвязу мы толькі што атрымалі з Вены,
і ягоны пераклад прагучыць адразу пасьля гэтага інтэрвію.
Заява прадстаўніка ЗША ў АБСЭ ў справе Беларусі была зробленая практычна адначасна з заявай у справе Югаславіі. Вось як амбасадар Дэвід Джонсан камэнтуе падобнае супадзеньне: (Джонсан: ) “У югаслаўскіх выбарах былі такія элемэнты, якіх выбаршчыкі ў Беларусі пазбаўленыя, уключна з магчымасьцю справядлівага падліку галасоў. Калі ж мы паглядзім з пэрспэктывы часу на такія краіны, як Славаччына, Харватыя і цяпер, як я спадзяюся, Бялград, ёсьць мачымасьць выкарыстаньня дэмакратычных выбараў і свабоды слова. Калі ўлады дазволяць людзям, якія хочуць быць свабоднымі, выйсьці за межы афіцыйна дазволенага, яны могуць заваяваць для сябе дэмакратычную будучыню”. І на заканчэньне нашай кароткай размовы амбасадар Дэвід Джонсан зьвярнуўся да беларусаў: (Джонсан: ) “Я хачу сказаць гэтым людзям, што народ ЗША, народы Эўропы, Эўрапейскага Зьвязу, народы сьвету добра ведаюць пра сытуацыю ў Беларусі. І мы зробім усё магчымае ўсімі магчымымі спосабамі, каб падтрымаць тых людзей у Беларусі, якія хочуць дэмакратыі”. Гутарыў Мікола Іваноў
Заява прадстаўніка ЗША ў АБСЭ ў справе Беларусі была зробленая практычна адначасна з заявай у справе Югаславіі. Вось як амбасадар Дэвід Джонсан камэнтуе падобнае супадзеньне: (Джонсан: ) “У югаслаўскіх выбарах былі такія элемэнты, якіх выбаршчыкі ў Беларусі пазбаўленыя, уключна з магчымасьцю справядлівага падліку галасоў. Калі ж мы паглядзім з пэрспэктывы часу на такія краіны, як Славаччына, Харватыя і цяпер, як я спадзяюся, Бялград, ёсьць мачымасьць выкарыстаньня дэмакратычных выбараў і свабоды слова. Калі ўлады дазволяць людзям, якія хочуць быць свабоднымі, выйсьці за межы афіцыйна дазволенага, яны могуць заваяваць для сябе дэмакратычную будучыню”. І на заканчэньне нашай кароткай размовы амбасадар Дэвід Джонсан зьвярнуўся да беларусаў: (Джонсан: ) “Я хачу сказаць гэтым людзям, што народ ЗША, народы Эўропы, Эўрапейскага Зьвязу, народы сьвету добра ведаюць пра сытуацыю ў Беларусі. І мы зробім усё магчымае ўсімі магчымымі спосабамі, каб падтрымаць тых людзей у Беларусі, якія хочуць дэмакратыі”. Гутарыў Мікола Іваноў