Сёньня

Нагадаем, што гэты выступ быў ськіраваны супраць тагачаснага прэзыдэнта Расеі Барыса Ельцына. Праўда, адвакаты Рохлінай сьцьвярджаюць, што ў сваім заключным слове яна нічога не казала пра Аляксандра Лукашэнку і фінансаваньне беларускім бокам вулічных акцыяў левай апазыцыі. Цяперашняе кіраўніцтва “Руху ў падтрымку арміі” таксама заяўляе, што не атрымоўвала ад Лукашэнкі фінансавай дапамогі.

Адвакаты Тамары Рохлінай назвалі фальшыўкай тэкст ейнага апошняга слова, які распаўсюдзілі журналісты. Тамара Рохліна не рабіла ніякіх палітычных заяваў, - паведаміў адвакат Анатоль Кучарэна. Дэпутат Дзярждумы Віктар Ілюхін таксама адмаўляе, што Аляксандар Лукашэнкас фінансваў “Рух у падтрымку арміі”. Ілюхін заявіў, што ён ня ведае пра ніякую мірную акцыю спэцслужбаў супраць кіраўніцтва Расеі, якую, быццам, рыхтаваў Рохлін і на правядзеньне якой, быццам, даваў Аляксандар Лукашэнка.

Ілюхін заявіў, што меў блізкі кантакт з Рохліным і ведае, што “такіх мерапрыемстваў, каб вывесьці прадстаўнікоў сілавых структураў на вуліцы, не рыхтавалася”.

Нагадаю, што Віктар Ілюхін пасьля сьмерці Льва Рохліна ачоліў “Рух у падтрымку арміі” і ў яго ёсьць усе падставы хаваць магчымыя фінансавыя стасункі арганізацыі з Аляксандрам Лукашэнкам. Рэч у тым, што, паводле расейскага заканадаўства, палітычным партыям забаронена мець фінансаваньне з-за мяжы. І саюзьніцкі статус Беларусі тут – не падства для выключэньня.

Любы факт фінансаваньня партыі з-за мяжы можа мець наступствам яе забарону праз суд. Тым больш, што “Рух у падтрымку арміі” мае ў Расеі імідж адыёзнай арганізацыі. Магчыма, разумеючы гэта, Віктар Ілюхін пазьбягаў сёньня любых кантактаў з журналістамі.

Віктар Дзятліковіч, Масква