Агенцтва DPA сёньня паведамляе, што міністар замежных справаў Ізраілю
прапанаваў сваім суайчыньнікам не падарожнічаць зараз у краіны былога СССР
з нагоды паведамленьняў пра высокі, небясьпечны для здароўя ўзровень радыяцыі
ў Беларусі, у прыватнасьці вакол сталіцы краіны Менску. Аднак прэсавы сакратар
ізраільскага міністэрства адкінула паведамленьне па тое, што Ізраіль зачыніў
сваю амбасаду у Менску.
Прадстаўніца сказала, што ў Ізраіль выехалі толькі члены сем’яў супрацоўнікаў
і тэхнічны пэрсанал. Яны праходзяць мэдычнае абсьледаваньне. Згодна ізраільскіх
крыніцаў, узровень радыяцыі ў Менску ў 7 разоў большы за норму.
Сёньня газэта “Ерусалем пост” са спасылкаю на Габрэйскае агенцтва Сахнут
паведамляе, што Ізраіль эвакуяваў сваю амбасаду з Беларусі з-за высокага
ўзроўню радыяцыі. Цяпер супрацоўнікі праходзяць мэдычнае абсьледаваньне
ў Ерузаліме. Пра гэта мы паведамлялі ўчора.
Газэта “Ерусалем пост” нагадвае таксама, што ў Беларусі зараз жыве 32
тысячы габрэяў і членаў габрэйскіх сем’яў, якія, паводле ізраільскага закону
аб рэпатрыяцыі, маюць права прыехаць у гэтую краіну на сталае жыхарства.
Зь іх 250 ужо маюць ізраільскія візы, а з пачатку году туды выехала ўжо
650 чалавек.
Паводле крыніцаў газэты, супрацоўнікі японскай амбасады ў Менску таксама
былі эвакуяваныя . Кіраўнік Габрэйскага агенцтва ў Менску Барух Канчыл
атрымаў указаньне заставацца ў горадзе на выпадак, калі спатрэбіцца арганізоўваць
масавую эвакуацыю. Прадстаўнікі агенцтва ў суседніх рэгіёнах таксама папярэджаныя,
што яны могуць быць прыцягнутыя да дапамогі у гэтай апэрацыі. Адзін з кіраўнікоў
Габрэйскага агенцтва Хаім Чэсьлер сказаў, што ў выпадку неабходнасьці,
яны справяцца з апэрацыяй, бо Менск – вялікі горад і мае неабходныя ўмовы.
Так ён адказаў на пытаньне журналістаў пра магчымасьць масавай эвакуацыі.
Алена Ціхановіч
Самае папулярнае
1