Лінкі ўнівэрсальнага доступу

Верш на cвабоду


Ня шум сьвяточнай грамады,
ня звон узьнёслай оды,
ня стрэл гарматы грамавы
пазначаць Дзень Свабоды.

Сьцюдзёнасьцю магільных пліт
дыхнуць у твар хвіліны,
калі пачнуць па Менску плыць
чатыры дамавіны.

Ніводнага ня будзе з тых
На ложках гэтых цесных.
Ды не таму, што нехта зь іх
прачне ці ўваскрэсьне.

Чатыры строгія труны,
чатыры дамавіны.
Чатыры тонкія струны,
чатыры напаміны.

Не ўшанаваў іх далакоп
ні крыжам, ні пагостам.
А вы, што сеялі паклёп –
саўдзельнікі забойства.

Адной вадой сьвяньціў іх кат –
ці сьвіслацкай? Ці цьнянскай?
Адной пятлёй зьвязаў вас гад –
крывёю хрысьціянскай.

Павал Марціновіч

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG