НАДВОР'Е
У Беларусі пахмурна, тэмпэратура — да 7 градусаў марозу.
У БЕЛАРУСІ І Ў СЬВЕЦЕ
У Осла, Нарвэгія — уганараваньне Нобэлеўскай прэміяй міру.
У Страсбуры, Францыя — пасяджэньне Эўрапарлямэнту.
У Баранавічах — будзе вырашацца, ці вызваляць умоўна-датэрмінова Васіля Парфянкова, якога беларускія праваабаронцы лічаць палітвязьнем.
У Віцебску — у Парку культуры і адпачынку чыгуначнікаў адбудзецца публічная лекцыя «Усеагульная дэклярацыя правоў чалавека. Як выконваюцца палажэньні Дэклярацыі ў Беларусі». Пачатак а 13-ай.
ТАКСАМА Ў ГЭТЫ ДЗЕНЬ
Усясьветны Дзень правоў чалавека.
ГЭТЫ ДЗЕНЬ У ГІСТОРЫІ:
1520 — Марцін Лютэр публічна спальвае папскую булу пра адлучэньне яго ад царквы. З гэтага дня пачынаецца аддзяленьне ад каталіцызму Рэфарматарскай царквы, якую стануць называць лютэранскай.
1945 — адкрылася Беларуская гімназія ў Рэгенсбургу (Нямеччына).
1948 — Генэральная Асамблея ААН зацьвердзiла i абвясьцiла Ўсеагульную дэклярацыю правоў чалавека.
1991 — цэнтральны праспэкт Менску атрымаў новую назву ў гонар Францішка Скарыны
2007 — пачаліся трансьляцыі тэлеканалу «Белсат»
У гэты дзень нарадзіліся:
1878 — нарадзіўся Мікола Бліадуха, беларускі акадэмік, геоляг. Вывучаў карысныя выкапні Беларусі. Пра вялікі аўтарытэт вучонага сьведчыць тое, што на ягонае пахаваньне ўзімку 1935 году прыйшло вялікае мноства народу. А спачыў акадэмік на менскіх Вайсковых могілках. Ягоны помнік захаваўся, ён падпісаны па-беларуску.
1892 — нарадзіўся Павал Аляксюк, беларускі палітык, радны БНР, старшыня Беларускай вайсковай камісіі, кіраўнік ураду пры штабе генэрала Булак-Балаховіча.
1930 — нарадзіўся беларускі паэт і літаратуразнавец Мікола Арочка, аўтар гістарычных паэм «Курганьне», «Крэва», «Судны дзень Скарыны», «Каранацыя Мяндоўга».
У гэты дзень памерлі:
1896 — Альфрэд Нобэль, швэдзкі хімік, інжынэр, вынаходнік дынаміту, заснавальнік Нобэлеўскай прэміі
2006 — Аўгуста Піначэт, чылійскі дыктатар
ЦЫТАТА НА ПАМЯЦЬ
«Жывым, нам трэба пазнаваць сябе,
Ісьці глыбей да цяжкае разгадкі:
Хто мы былі? І хто нашы нашчадкі?
Які наш лёс далейшы ў барацьбе?
Мы — на сваёй зямлі... Заўсёды дома!
Нязрушна, так!.. Хоць ёсьць, вядома, рух:
Даўно нас вучыць твой, Купала, дух
Ісьці праз слова — у самасьвядомасьць!»
Мікола Арочка
ГОД ТАМУ НА САЙЦЕ СВАБОДЫ
У самым усходнім райцэнтры Беларусі адзначылі Дзень правоў чалавека
FEMEN у Маскве: «Божа, цара гані»
Барыс Пятровіч абраны старшынём Саюзу беларускіх пісьменьнікаў
