Як паведамляе «Белсат», «The Journal of Byelorussian Studies» упершыню выйшаў у 1965 годзе і друкаваўся раз на год. Прадмову да першага нумара напісаў прафэсар Оксфардзкага ўнівэрсытэту Робэрт Оці (Robert Auty).
Выданьне распаўсюджваецца сярод унівэрсытэтаў, бібліятэк і прыватных падпісантаў у Вялікай Брытаніі, ЗША, Беларусі ды іншых краінах па ўсім сьвеце. Кожны нумар зьмяшчае артыкулы пра беларускую літаратуру, лінгвістыку, гісторыю і мастацтва, а таксама агляды кніг, хроніку сучасных падзеяў і шырокую бібліяграфію за папярэдні год.
Часопіс выдаюць супольна Англа-беларускае таварыства і Цэнтар транзыцыйных дасьледаваньняў (Centre for Transition Studies) у Лёндане.
Рэдагуе яго выпускнік Гарварду, кандыдат юрыдычных навук Яраслаў Крывой. У рэдакцыйны камітэт таксама ўваходзяць прафэсар Арнольд МакМілін (Arnold McMillin) і Джым Дынглі (Jim Dingley). А ў кансультацыйную раду выданьня — айцец Аляксандар Надсан (Вялікая Брытанія), доктар Андрэй Катлярчук (Швэцыя), доктар Курт Ўулгайзэр (Curt Woolheiser, ЗША), доктар Дэйвід Марплз (David Marples, Канада), доктар Ірына Дубянецкая (Беларусь) і доктар Марцін Паўльсэн (Martin Paulsen, Нарвэгія).
Гэта найстарэйшае англамоўнае пэрыядычнае выданьне, прысьвечанае дасьледаваньням у беларускай тэматыцы. Сёньня часопіс выдаецца на ангельскай ды беларускай мовах і мае электронную вэрсію.
Як паведаміў у «Facebook» рэдактар выданьня, «The Journal of Byelorussian Studies» пачынае выходзіць пасьля 24-гадовага перапынку. Цяпер прымаюцца новыя заяўкі, дэдлайн — 20 сьнежня.
Выданьне распаўсюджваецца сярод унівэрсытэтаў, бібліятэк і прыватных падпісантаў у Вялікай Брытаніі, ЗША, Беларусі ды іншых краінах па ўсім сьвеце. Кожны нумар зьмяшчае артыкулы пра беларускую літаратуру, лінгвістыку, гісторыю і мастацтва, а таксама агляды кніг, хроніку сучасных падзеяў і шырокую бібліяграфію за папярэдні год.
Часопіс выдаюць супольна Англа-беларускае таварыства і Цэнтар транзыцыйных дасьледаваньняў (Centre for Transition Studies) у Лёндане.
Рэдагуе яго выпускнік Гарварду, кандыдат юрыдычных навук Яраслаў Крывой. У рэдакцыйны камітэт таксама ўваходзяць прафэсар Арнольд МакМілін (Arnold McMillin) і Джым Дынглі (Jim Dingley). А ў кансультацыйную раду выданьня — айцец Аляксандар Надсан (Вялікая Брытанія), доктар Андрэй Катлярчук (Швэцыя), доктар Курт Ўулгайзэр (Curt Woolheiser, ЗША), доктар Дэйвід Марплз (David Marples, Канада), доктар Ірына Дубянецкая (Беларусь) і доктар Марцін Паўльсэн (Martin Paulsen, Нарвэгія).
Гэта найстарэйшае англамоўнае пэрыядычнае выданьне, прысьвечанае дасьледаваньням у беларускай тэматыцы. Сёньня часопіс выдаецца на ангельскай ды беларускай мовах і мае электронную вэрсію.
Як паведаміў у «Facebook» рэдактар выданьня, «The Journal of Byelorussian Studies» пачынае выходзіць пасьля 24-гадовага перапынку. Цяпер прымаюцца новыя заяўкі, дэдлайн — 20 сьнежня.
