З залі суду яго сёньня забралі ў пастарунак адбываць рэшту пакараньня — яму засталося менш за суткі.
Паводле самога Ашуркі, суд над ім адбываўся такім самым чынам, як і над раней асуджанымі ягонымі сябрамі. Тыя ж сьведкі-міліцыянты, прагляд таго ж відэа і вынясеньне прысуду. Нечаканасьцяў, як кажа Ашурка, не было. Праўда, ён думаў, што могуць даць пяць сутак.
Ашурка: «Ведаеце, ніякіх нечаканасьцяў. Я разумею, пры якім рэжыме жыву. Добра, што яшчэ не расстрэльваюць. Гэта хоць і чорны гумар, але ён мае месца ў нашым жыцьці. Так што ніякіх нечаканасьцяў не адбылося».
Ашурка толькі зьдзіўлены, што некалькі гадоў прыяжджаў у Сьвіслач на ўшанаваньне памяці паўстанцаў і ніводнага разу не было такога перасьледу з боку міліцыянтаў. А сёлета сілавікоў было амаль гэтулькі ж, колькі ўдзельнікаў акцыі.
Ашурка: «Акрамя ж культурніцкіх жалобных мерапрыемстваў, тут нічога не адбывалася, ніякіх палітычных акцыяў не было. Летась я таксама быў у Сьвіслачы ў гэты дзень, і ўсё адбылося проста цудоўна. А чаму сёлета такая рэакцыя ўладаў — нават цяжка зразумець».
У залі суду прысутнічаў дэмакратычны актывіст зь Бярозаўкі Сяргей Трафімчык. Яго найбольш уразіла тое, што судзьдзя, выслухаўшы сьведак, нават не рабіў перапынку, каб напісаць прысуд, як гэта звычайна бывае, а адразу зачытаў ужо заранёў падрыхтаваную пастанову.
Трафімчык: «Уражаньне такое, што ўжо ўсё заранёў было вырашана і само паседжаньне вялося дзеля праформы, нават не дзеля пратаколу (сьмяецца). Адзінае — мы яшчэ гадалі, якім можа быць рашэньне. Думалі, што могуць даць 5 сутак. Таму што тыя, якіх судзілі раней, трымалі сьцяг у руках, а Ашурка — на дрэўцы, ды яшчэ нёс яго праз горад».
Маладых людзей затрымалі ў Сьвіслачы ў суботу падчас акцыі па ўшанаваньні памяці паўстанцаў Каліноўскага 1863 году. Склаўшы пратаколы, усіх, за выключэньнем Лопасава, пакінулі да суду ў пастарунку.
Пазьней усіх асудзілі: Станіслава Гусакова зь Віцебску і Алесь Крот зь Менску атрымалі па 3 сутак арышту, гарадзенец Віталь Лопасаў — штраф у памеры 3 мільёнаў рублёў.
Паводле самога Ашуркі, суд над ім адбываўся такім самым чынам, як і над раней асуджанымі ягонымі сябрамі. Тыя ж сьведкі-міліцыянты, прагляд таго ж відэа і вынясеньне прысуду. Нечаканасьцяў, як кажа Ашурка, не было. Праўда, ён думаў, што могуць даць пяць сутак.
Ашурка: «Ведаеце, ніякіх нечаканасьцяў. Я разумею, пры якім рэжыме жыву. Добра, што яшчэ не расстрэльваюць. Гэта хоць і чорны гумар, але ён мае месца ў нашым жыцьці. Так што ніякіх нечаканасьцяў не адбылося».
Ашурка толькі зьдзіўлены, што некалькі гадоў прыяжджаў у Сьвіслач на ўшанаваньне памяці паўстанцаў і ніводнага разу не было такога перасьледу з боку міліцыянтаў. А сёлета сілавікоў было амаль гэтулькі ж, колькі ўдзельнікаў акцыі.
Ашурка: «Акрамя ж культурніцкіх жалобных мерапрыемстваў, тут нічога не адбывалася, ніякіх палітычных акцыяў не было. Летась я таксама быў у Сьвіслачы ў гэты дзень, і ўсё адбылося проста цудоўна. А чаму сёлета такая рэакцыя ўладаў — нават цяжка зразумець».
У залі суду прысутнічаў дэмакратычны актывіст зь Бярозаўкі Сяргей Трафімчык. Яго найбольш уразіла тое, што судзьдзя, выслухаўшы сьведак, нават не рабіў перапынку, каб напісаць прысуд, як гэта звычайна бывае, а адразу зачытаў ужо заранёў падрыхтаваную пастанову.
Трафімчык: «Уражаньне такое, што ўжо ўсё заранёў было вырашана і само паседжаньне вялося дзеля праформы, нават не дзеля пратаколу (сьмяецца). Адзінае — мы яшчэ гадалі, якім можа быць рашэньне. Думалі, што могуць даць 5 сутак. Таму што тыя, якіх судзілі раней, трымалі сьцяг у руках, а Ашурка — на дрэўцы, ды яшчэ нёс яго праз горад».
Маладых людзей затрымалі ў Сьвіслачы ў суботу падчас акцыі па ўшанаваньні памяці паўстанцаў Каліноўскага 1863 году. Склаўшы пратаколы, усіх, за выключэньнем Лопасава, пакінулі да суду ў пастарунку.
Пазьней усіх асудзілі: Станіслава Гусакова зь Віцебску і Алесь Крот зь Менску атрымалі па 3 сутак арышту, гарадзенец Віталь Лопасаў — штраф у памеры 3 мільёнаў рублёў.
