НАДВОР’Е:
Удзень воблачна з праясьненьнямі, вечарам дождж. Тэмпэратура: плюс 8-10 градусаў.
У БЕЛАРУСІ І СЬВЕЦЕ:
У офісе Партыі БНФ (Менск, вул. Чарнышэўскага, 3) у рамках праекта «Маратон салідарнасьці» выступіць паэт і палітык Уладзімер Някляеў. Пачатак у 18.00.
Людміла Рублеўская за прылаўкам кнігарні «логвінаЎ» (Менск, пр. Незалежнасьці 37А). Пачатак у 19.00.
У Стакгольме абвяшчаюць ляўрэатаў Нобэлеўскай прэміі па фізыцы.
У Страсбуры абвяшчаюць імёны трох фіналістаў прэміі імя Андрэя Сахарава.
9 кастрычніка – Міжнародны дзень пошты.
***
Паважаныя слухачы! Дапамажыце больш поўна прадставіць беларускі дзень – дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫ ДЗЕНЬ:
1977 – у космас паляцеў другі беларус, Уладзімер Кавалёнак.
У гэты дзень нарадзіліся:
1892 – Іва Андрыч, югаслаўскі пісьменьнік.
1940 – Джон Ленан, легендарны брытанскі рок-музыка.
1986 – Валерыя Кустава, беларуская паэтка.
У гэты дзень памерлі:
1929 – Адам Лісоўскі, каталіцкі сьвятар, адзін з заснавальнікаў беларускага хрысьціянскага руху.
1967 – Эрнэста Чэ Гевара, аргентынскі рэвалюцыянэр.
1976 – Павал Пракапеня, беларускі, польскі і расейскі опэрны сьпявак.
ЦЫТАТА НА ПАМЯЦЬ:
«Маўчаньне – гэта працяг спрэчкі іншымі сродкамі».
Эрнэста Чэ Гевара
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
Дональд Туск: «Дапамога Беларусі можа перавысіць 9 мільярдаў даляраў»
