Прыхільнікі лідэраў апазыцыі, затрыманых у кіргіскай сталіцы пасьля масавых непарадкаў у сераду, перакрылі сёньня ў некалькіх месцах аўтатрасу Бішкек — Ош, што зьвязвае поўнач і поўдзень Кіргізстану.
У сераду ўдзельнікі мітынгу на цэнтральным пляцы Бішкеку, арганізаванага апазыцыйнай партыяй «Ата-Журт» з патрабаваньнем нацыяналізацыі залатаноснага рудніку «Кумтор», зрабілі спробу штурму парлямэнту. У выніку непарадкаў пацярпелі 12 чалавек.
Генэральная пракуратура завяла крымінальную справу аб спробе гвалтоўнага захопу ўлады. У ноч на чацьвер былі затрыманыя лідэр «Ата-Журту» Камчыбек Ташыеў, кіраўнік парлямэнцкай фракцыі гэтай партыі Садыр Жапараў і віцэ-сьпікер парлямэнту Талант Мамытаў.
Сёньня дзясяткі іх прыхільнікаў сабраліся ля будынку Дзяржаўнага камітэту нацыянальнай бясьпекі, патрабуючы вызваленьня затрыманых. Апазыцыйнікі заявілі пра намер арганізаваць бестэрміновыя шматтысячныя акцыі па ўсёй краіне.
У сераду ўдзельнікі мітынгу на цэнтральным пляцы Бішкеку, арганізаванага апазыцыйнай партыяй «Ата-Журт» з патрабаваньнем нацыяналізацыі залатаноснага рудніку «Кумтор», зрабілі спробу штурму парлямэнту. У выніку непарадкаў пацярпелі 12 чалавек.
Генэральная пракуратура завяла крымінальную справу аб спробе гвалтоўнага захопу ўлады. У ноч на чацьвер былі затрыманыя лідэр «Ата-Журту» Камчыбек Ташыеў, кіраўнік парлямэнцкай фракцыі гэтай партыі Садыр Жапараў і віцэ-сьпікер парлямэнту Талант Мамытаў.
Сёньня дзясяткі іх прыхільнікаў сабраліся ля будынку Дзяржаўнага камітэту нацыянальнай бясьпекі, патрабуючы вызваленьня затрыманых. Апазыцыйнікі заявілі пра намер арганізаваць бестэрміновыя шматтысячныя акцыі па ўсёй краіне.