Лінкі ўнівэрсальнага доступу

Хамас перакрые трансьляцыі «Барсэлоны»


Урад групоўкі ХАМАС, якая кантралюе сэктар Газа, паведаміла, што перакрые трансьляцыі матчаў гішпанскай «Барсэлоны» на знак пратэсту супраць таго, што гэты футбольны клюб запрасіў на матчы ў якасьці ганаровага госьця Гілада Шаліта – ізраільскага салдата, які 5 гадоў правёў у палоне ў Хамаса і быў вызвалены ў абмен на 1027 палестынскіх баевікоў.

Матч, на які запрошаны Шаліт, адбудзецца 7 кастрычніка паміж «Барсэлонай» і яе традыцыйным супернікам – мадрыдзкім «Рэалам». Даведацца пра вынік матчу з палестынскай прэсы жыхары Газы таксама ня змогуць: на распараджэньне Хамаса пісаць пра «Барсэлону» будзе забаронена, паведамляе карэспандэнт Радыё Свабода Эла Котлер.

Савет зьняволеных сэктару Газа заявіў, што «запрашэньне сваволіць – фігавы лісток на злачынствы сіяністаў» і назваў Шаліта ваенным злачынцам.

«Барсэлона» – самы папулярны футбольны клюб сярод палестынцаў. Ісламісты ўспрынялі запрашэньне Шаліта як здраду і запатрабавалі ад клюбу адмяніць яго, пагражаючы зваротам у міжнародныя арганізацыі. Віцэ-прэзыдэнт клюбу Карлас Віларубі заявіў, што запрашэньне не зьяўляецца выразам палітычнай пазыцыі, але адменена ня будзе.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG