Намінанты будуць названыя 25 верасьня.
9 кастрычніка адбудзецца галасаваньне па трох фіналістах.
Уручэньне прэміі «За свабоду думкі» заплянаванае на 12 сьнежня.
Пры канцы жніўня дэпутат ЭП ад Польшчы Яцэк Сарыюш-Вольскі заклікаў падтрымаць вылучэньне беларускага праваабаронцы Алеся Бяляцкага на атрыманьне прэміі імя Сахарава, нагадвае БелаПАН.
У сваім звароце Сарыюш-Вольскі падкрэсьліў, што ўклад Бяляцкага ва ўмацаваньне міру шырока ацэнены ў тым ліку і ААН. Акрамя таго, нагадаў ён, беларускі праваабаронца намінаваны на Нобэлеўскую прэмію міру.
«Эўрапарлямэнт, які ўжо заявіў пра сваю падтрымку Алеся Бяляцкага ў рэзалюцыі ад 15 верасьня 2011 году, можа падкрэсьліць унівэрсальнае значэньне ўпартай барацьбы за свабоду ў краінах, дзе кіруюць дыктатары, узнагародзіўшы праваабаронцу прэміяй Сахарава», — адзначыў Сарыюш-Вольскі.
Раней прэмію Сахарава атрымлівалі Аляксандар Мілінкевіч і Беларуская асацыяцыя журналістаў.
Кіраўнік праваабарончага цэнтру «Вясна» Алесь Бяляцкі асуджаны на 4,5 года турмы ў лістападзе летась. Яго прызналі вінаватым у нясплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на ягоныя рахункі, ішлі на праваабарончую дзейнасьць.
Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.
Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.
9 кастрычніка адбудзецца галасаваньне па трох фіналістах.
Уручэньне прэміі «За свабоду думкі» заплянаванае на 12 сьнежня.
Пры канцы жніўня дэпутат ЭП ад Польшчы Яцэк Сарыюш-Вольскі заклікаў падтрымаць вылучэньне беларускага праваабаронцы Алеся Бяляцкага на атрыманьне прэміі імя Сахарава, нагадвае БелаПАН.
У сваім звароце Сарыюш-Вольскі падкрэсьліў, што ўклад Бяляцкага ва ўмацаваньне міру шырока ацэнены ў тым ліку і ААН. Акрамя таго, нагадаў ён, беларускі праваабаронца намінаваны на Нобэлеўскую прэмію міру.
«Эўрапарлямэнт, які ўжо заявіў пра сваю падтрымку Алеся Бяляцкага ў рэзалюцыі ад 15 верасьня 2011 году, можа падкрэсьліць унівэрсальнае значэньне ўпартай барацьбы за свабоду ў краінах, дзе кіруюць дыктатары, узнагародзіўшы праваабаронцу прэміяй Сахарава», — адзначыў Сарыюш-Вольскі.
Раней прэмію Сахарава атрымлівалі Аляксандар Мілінкевіч і Беларуская асацыяцыя журналістаў.
Кіраўнік праваабарончага цэнтру «Вясна» Алесь Бяляцкі асуджаны на 4,5 года турмы ў лістападзе летась. Яго прызналі вінаватым у нясплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на ягоныя рахункі, ішлі на праваабарончую дзейнасьць.
Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.
Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.