Лінкі ўнівэрсальнага доступу

Кангрэсмэн заклікае да пільнасьці на беларускіх выбарах


Крыстафэр Сьміт
Крыстафэр Сьміт
У сваім блогу старшыня Хэльсынскай камісіі ЗША, сябра Камітэту замежных спраў Палаты прадстаўнікоў амэрыканскага Кангрэсу Крыстафэр Сьміт заклікаў дэмакратычныя краіны да пільнасьці на выбарах у Беларусі 23 верасьня.

За некалькі тыдняў да выбараў ніхто не сумняецца, што яны будуць сфальшаваныя, – піша Крыстафэр Сьміт. Аднак дэмакратычныя краіны павінны зьвярнуць самую сур'ёзную ўвагу дыктатара Аляксандра Лукашэнкі на гэта. Лідэру апазыцыі Аляксандру Мілінкевічу было адмоўлена ў рэгістрацыі ў якасьці кандыдата. Працягваюцца запалохваньні і перасьлед апазыцыі, затрыманьні незалежных журналістаў і дэмакратычных актывістаў.

Амэрыканскі кангрэсмэн распавядае пра зьніклых дзесяць гадоў таму палітыкаў, пра гвалт пасьля апошніх прэзыдэнцкіх выбараў, пра санкцыі ЭЗ і пра Акт аб дэмакратыі ў Беларусі, аўтарам якога ён зьяўляецца.

Крыстафэр Сьміт заклікае ЗША і іншыя краіны АБСЭ «сыгналізаваць, што мы гатовыя сур'ёзна рэагаваць і гэтым разам». Гаворка ідзе пра рэакцыю на фальшаваньне выбараў і рэпрэсіі супраць грамадзянскай супольнасьці Беларусі. «Маніторынг гэтых выбараў павінен быць моцным сыгналам для беларусаў, якія змагаюцца за сваю свабоду. Міжнародныя назіральнікі могуць дапамагчы забясьпечыць большую ўвагу да іх высакароднай справы».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG