«У першай палове дня я спрабаваў датэлефанавацца да кіраўніцтва тэлерадыёкампаніі, каб даведацца, зь якой прычыны мой зварот 29 жніўня не пусьцілі ў эфір. Сакратарка патлумачыла, што нікога з кіраўніцтва кампаніі няма, а дырэктар Котаў „знаходзіцца на тэрыторыі“. Па абедзе я прынёс заяву, аднак нават сакратарка ў фае ня выйшла. Міліцыянт папярэдзіў, што гэта рэжымны аб’ект і знаходзіцца тут нельга. Я выйшаў на вуліцу й сеў у чаканьні на прыступках», — паведаміў кандыдат у дэпутаты Палаты прадстаўнікоў Уладзімер Няпомняшчых.
28 жніўня Ўладзімер прыйшоў на запіс у студыю тэлерадыёкампаніі «Гомель» у футболцы, на якой было напісана: «За Беларусь без Лукашэнкі». Намесьніца дырэктара Сьвятлана Яўрасава прапанавала кандыдату пераапрануцца: маўляў, у такім выглядзе могуць не прапусьціць у эфір.
Перад запісам звароту да выбарцаў кандыдата папярэдзілі пра адміністрацыйную адказнасьць за абразу, прапаганду гвалту, жорсткасьці, міжнацыянальнай варожасьці. Пасьля Няпомняшчых запісалі — нічога забароненага ён не казаў. Гаварыў толькі пра тое, што выбараў няма — і людзям ня варта ісьці на выбарчыя ўчасткі. Сказаў і пра цяжкае эканамічнае становішча краіны як вынік праўленьня рэжыму Аляксандра Лукашэнкі.
Зварот кандыдата ў эфір не пусьцілі.
Уладзімер Няпомняшых паўтарыў свой зварот для аўдыторыі «Свабоды».
28 жніўня Ўладзімер прыйшоў на запіс у студыю тэлерадыёкампаніі «Гомель» у футболцы, на якой было напісана: «За Беларусь без Лукашэнкі». Намесьніца дырэктара Сьвятлана Яўрасава прапанавала кандыдату пераапрануцца: маўляў, у такім выглядзе могуць не прапусьціць у эфір.
Перад запісам звароту да выбарцаў кандыдата папярэдзілі пра адміністрацыйную адказнасьць за абразу, прапаганду гвалту, жорсткасьці, міжнацыянальнай варожасьці. Пасьля Няпомняшчых запісалі — нічога забароненага ён не казаў. Гаварыў толькі пра тое, што выбараў няма — і людзям ня варта ісьці на выбарчыя ўчасткі. Сказаў і пра цяжкае эканамічнае становішча краіны як вынік праўленьня рэжыму Аляксандра Лукашэнкі.
Зварот кандыдата ў эфір не пусьцілі.
Уладзімер Няпомняшых паўтарыў свой зварот для аўдыторыі «Свабоды».