Лінкі ўнівэрсальнага доступу

За Эдуардам Лобавым лічыцца 7 парушэньняў рэжыму


Эдуард Лобаў
Эдуард Лобаў

За вязьнем Івацэвіцкай калёніі Эдуардам Лобавы лічыцца ўжо 7 парушэньняў рэжыму.

Пра гэта паведаміла маці маладафронтаўца Марына Лобава. Днямі Эдуард пазваніў дамоў. Гутарка была кароткай, кажа Марына.

«Дазволілі пазваніць, але нічога пра сябе не пасьпеў паведаміць. Сказаў толькі, што дайшла бандэроль зь вітамінамі. І што вырашылася пытаньне наконт часопіса, які ён выпісаў, але часопіс даходзіць зь перапынкамі. Гэта пасьля маёй скаргі. Адзін нумар да яго дайшоў, а першы згубіўся, пошта нібыта вінавата. Паабяцалі вярнуць грошы на яго рахунак».

Эдуард Лобаў быў асуджаны паводле таго ж эпізоду нібыта з хуліганствам за дзень да прэзыдэнцкіх выбараў, што і Зьміцер Дашкевіч. Актывіст атрымаў 4 гады зьняволеньня. У калёніі Эдуард Лобаў адмовіўся падпісваць прашэньне аб памілаваньні, пасьля чаго атрымаў ужо 7 спагнаньняў.

Яшчэ на гэтую тэму

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG