Як паведамляе БАЖ, падставай стаў артыкул спадара Петрушэнкі, разьмешчаны 8 жніўня на сайце nash-dom.info пад назвай «Пэдафіл атрымліваў прэміі за лепшыя дзіцячыя пляцоўкі». Публікацыя разьмешчана ў разьдзеле «Блогі».
Паводле пастановы за подпісам старшага сьледчага С. Шчарбянка, аўтар артыкулу «ўказвае», што намесьнік старшыні аршанскага гарвыканкаму падазраецца ў спрыяньні дзейнасьці пэдафіла. Тым самым Петрушэнка «публічна зьняважыў» гарадзкога чыноўніка «як прадстаўніка ўлады ў сувязі з выкананьнем ім службовых абавязкаў», — гаворыцца ў пастанове.
Паводле артыкулу 369 Крымінальнага кодэксу, актывіст кампаніі «Наш дом» і Партыі левых «Справядлівы сьвет» можа быць пакараны штрафам або зьняволеньнем да чатырох гадоў.
Але Мікалай Петрушэнка з абвінавачаньнем ня згодны і гатовы зьбіраць доказы ў сваю абарону, сказаў ён «Свабодзе»:
«На 24 жніўня прызначаная лінгвістычная экспэртыза, ці ёсьць у гэтым тэксьце публічная абраза чыноўніка. Спачатку яе хацелі рабіць у Віцебскім дзяржаўным ўнівэрсытэце, але я настояў, каб рабілі ў Менску, у Інстытуце журналістыкі. Магчыма, буду дамагацца і незалежнай экспэртызы ў ЭГУ. Дарэчы, сам чыноўнік, якога я нібыта абразіў, ні слова не сказаў у сваю абарону, каб абараніць гонар і годнасьць. Гэта можна расцэньваць і як прызнаньне таго, што я маю рацыю».
Мікалай Петрушэнка зьвяртае ўвагу і на тое, што пастанову пра крымінальную справу яму прынесьлі роўна праз гадзіну пасьля таго, як акруговая камісія Аршанскай гарадзкой выбарчай акругі № 26 зарэгістравала актывіста кандыдатам у дэпутаты парлямэнту.
Паводле пастановы за подпісам старшага сьледчага С. Шчарбянка, аўтар артыкулу «ўказвае», што намесьнік старшыні аршанскага гарвыканкаму падазраецца ў спрыяньні дзейнасьці пэдафіла. Тым самым Петрушэнка «публічна зьняважыў» гарадзкога чыноўніка «як прадстаўніка ўлады ў сувязі з выкананьнем ім службовых абавязкаў», — гаворыцца ў пастанове.
Паводле артыкулу 369 Крымінальнага кодэксу, актывіст кампаніі «Наш дом» і Партыі левых «Справядлівы сьвет» можа быць пакараны штрафам або зьняволеньнем да чатырох гадоў.
Але Мікалай Петрушэнка з абвінавачаньнем ня згодны і гатовы зьбіраць доказы ў сваю абарону, сказаў ён «Свабодзе»:
«На 24 жніўня прызначаная лінгвістычная экспэртыза, ці ёсьць у гэтым тэксьце публічная абраза чыноўніка. Спачатку яе хацелі рабіць у Віцебскім дзяржаўным ўнівэрсытэце, але я настояў, каб рабілі ў Менску, у Інстытуце журналістыкі. Магчыма, буду дамагацца і незалежнай экспэртызы ў ЭГУ. Дарэчы, сам чыноўнік, якога я нібыта абразіў, ні слова не сказаў у сваю абарону, каб абараніць гонар і годнасьць. Гэта можна расцэньваць і як прызнаньне таго, што я маю рацыю».
Мікалай Петрушэнка зьвяртае ўвагу і на тое, што пастанову пра крымінальную справу яму прынесьлі роўна праз гадзіну пасьля таго, як акруговая камісія Аршанскай гарадзкой выбарчай акругі № 26 зарэгістравала актывіста кандыдатам у дэпутаты парлямэнту.
