Тэрмін расьсьледаваньня крымінальнай справы працягнуты сама меней да 19 лістапада. Саша Варламаў быў арыштаваны летась у траўні, апошні раз тэрмін ягонага ўтрыманьня працягваўся да 20 траўня 2012-га.
У ведамстве нагадалі, што пацярпелымі і сьведкамі па справе мадэльера праходзяць больш за паўтысячы чалавек. Яму прад’яўленыя абвінавачаньні паводле артыкула Крымінальнага кодэксу за «махлярскія дзеяньні» ў дачыненьні да бацькоў непаўналетніх дзяцей, якія бралі ўдзел у модных паказах за мяжой. Паводле сьледзтва, у той час як выдаткі аплочваліся Белдзяржунівэрсытэтам, на чыёй базе месьціліся «Агенцтва моды Сашы Варламава» і цэнтар сучаснага стылю і моды «Universum Models», дызайнэр спаганяў з бацькоў дадатковыя грошы — нібыта на праезд, пражываньне і харчаваньне.
Хоць сам Варламаў вылучаныя супраць яго абвінавачаньні адмаўляе, праваахоўныя структуры абвінавачваюць яго ў супрацьпраўных дзеяньнях і ў шырэйшых маштабах. Так, паводле папярэдніх зьвестак, у рамках фэстывалю-конкурсу «Мельница моды» толькі цягам 2007–2010 гадоў зь ведама Варламава было незаконна выкарыстана больш за 120 тысяч эўра і блізу 310 мільёнаў рублёў.
У ведамстве нагадалі, што пацярпелымі і сьведкамі па справе мадэльера праходзяць больш за паўтысячы чалавек. Яму прад’яўленыя абвінавачаньні паводле артыкула Крымінальнага кодэксу за «махлярскія дзеяньні» ў дачыненьні да бацькоў непаўналетніх дзяцей, якія бралі ўдзел у модных паказах за мяжой. Паводле сьледзтва, у той час як выдаткі аплочваліся Белдзяржунівэрсытэтам, на чыёй базе месьціліся «Агенцтва моды Сашы Варламава» і цэнтар сучаснага стылю і моды «Universum Models», дызайнэр спаганяў з бацькоў дадатковыя грошы — нібыта на праезд, пражываньне і харчаваньне.
Хоць сам Варламаў вылучаныя супраць яго абвінавачаньні адмаўляе, праваахоўныя структуры абвінавачваюць яго ў супрацьпраўных дзеяньнях і ў шырэйшых маштабах. Так, паводле папярэдніх зьвестак, у рамках фэстывалю-конкурсу «Мельница моды» толькі цягам 2007–2010 гадоў зь ведама Варламава было незаконна выкарыстана больш за 120 тысяч эўра і блізу 310 мільёнаў рублёў.
