Пра гэта паведаміў іншы пацыент бальніцы, таксама інвалід другой групы Валеры Ганчарэнка.
Абодва пацыента знаходзяцца ў 7-м аддзяленьні бальніцы для прымусовага лекаваньня.
Ганчарэнка кажа, што Такаровіч адмовіўся ад галадоўкі і аднавіў лячэньне.
Раней Такаровіч адмаўляўся ад ежы і мэдыкамэнтаў, бо лічыў, што агрэсіўнае лекаваньне наносіць шкоду ягонаму здароўю. Акрамя таго, паводле Ганчарэнкі, Такаровіч пратэставаў супраць умоў утрыманьня пацыентаў. Ганчарэнка кажа, што галадоўка Такаровіча нічога не зьмяніла: якасьць харчаваньня, санітарныя ўмовы ў лякарні застаюцца, на ягоны погляд, нездавальняючымі.
Галоўны лекар Багушэўскай абласной сухотнай лякарні Натальля Лясная паведаміла БелаПАН, што і Ганчарэнку, і Такаровічу лячэньне прызначана паводле схемы, зацьверджанай Усясьветнай арганізацыяй аховы здароўя, а «рэакцыя на лячэньне Такаровіча зьяўляецца індывідуальнай, і толькі ў яго аднаго з усіх хворых яна адмоўная». Лясная падкрэсьліла, што рашэньне ў дачыненьні да схемы лячэньня прымае кансыліюм лекараў паводле стану і ацэнкі ўстойлівасьці сухотаў у канкрэтнага хворага.
Што да галадоўкі, то Лясная адзначыла:
«Такаровіч не прымаў шпітальную ежу, аднак хворыя казалі мне, што іншую ежу ён есьць».
Абодва пацыента знаходзяцца ў 7-м аддзяленьні бальніцы для прымусовага лекаваньня.
Ганчарэнка кажа, што Такаровіч адмовіўся ад галадоўкі і аднавіў лячэньне.
Раней Такаровіч адмаўляўся ад ежы і мэдыкамэнтаў, бо лічыў, што агрэсіўнае лекаваньне наносіць шкоду ягонаму здароўю. Акрамя таго, паводле Ганчарэнкі, Такаровіч пратэставаў супраць умоў утрыманьня пацыентаў. Ганчарэнка кажа, што галадоўка Такаровіча нічога не зьмяніла: якасьць харчаваньня, санітарныя ўмовы ў лякарні застаюцца, на ягоны погляд, нездавальняючымі.
Галоўны лекар Багушэўскай абласной сухотнай лякарні Натальля Лясная паведаміла БелаПАН, што і Ганчарэнку, і Такаровічу лячэньне прызначана паводле схемы, зацьверджанай Усясьветнай арганізацыяй аховы здароўя, а «рэакцыя на лячэньне Такаровіча зьяўляецца індывідуальнай, і толькі ў яго аднаго з усіх хворых яна адмоўная». Лясная падкрэсьліла, што рашэньне ў дачыненьні да схемы лячэньня прымае кансыліюм лекараў паводле стану і ацэнкі ўстойлівасьці сухотаў у канкрэтнага хворага.
Што да галадоўкі, то Лясная адзначыла:
«Такаровіч не прымаў шпітальную ежу, аднак хворыя казалі мне, што іншую ежу ён есьць».
