У заяве, разьмешчанай на сайце арганізацыі гучыць заклік да беларускіх уладаў неадкладна вызваліць Андрэя Пачобута і Паўла Свярдлова і расьсьледаваць пагрозы ў адрас Ірыны Халіп.
Журналіст польскай «Газэты выборчай» Андрэй Пачобут быў заключаны ў турму паводле абвінавачваньня ў паклёпе на Аляксандра Лукашэнку. Журналіста «Эўрарадыё» Паўла Сьвярдлова затрымалі ля пад’езда ягонага дома, калі ён ішоў на працу і асудзілі на 15 сутак нібыта за брыдкаслоўе.
«Беларускія ўлады ўжо не абмяжоўваюцца арыштам журналістаў за напісаныя імі артыкулы. Абвінавачваньні ў нецэнзурнай лаянцы ў адрас незалежнага журналіста відавочна надуманыя. Павел Сьвярдлоў павінен быць неадкладна вызвалены », — заявіў Робэрт Магоні.
Ён таксама раней заклікаў беларускія ўлады спыніць выкарыстоўваць крымінальны перасьлед за паклёп у якасьці інструмэнта, каб прымусіць замаўчаць журналістаў, якія іх крытыкуюць.
Камітэт таксама зьвяртае ўвагу на пагрозы ў адрас журналістаў. Карэспандэнт расейскай «Новой газеты» Ірына Халіп нядаўна атрымала па пошце пакет з адрэзанай курынай галавой. Яна ўпэўненая, што такім чынам ёй пагражаюць за прафэсійную дзейнасьць. Ірыне Халіп забаронены выезд з Беларусі, таму што цяпер яна адбывае трохгадовы ўмоўны тэрмін. Пасьля прэзыдэнцкіх выбараў 2010 года журналістка правяла ў турме КДБ паўтара месяца.
Журналіст польскай «Газэты выборчай» Андрэй Пачобут быў заключаны ў турму паводле абвінавачваньня ў паклёпе на Аляксандра Лукашэнку. Журналіста «Эўрарадыё» Паўла Сьвярдлова затрымалі ля пад’езда ягонага дома, калі ён ішоў на працу і асудзілі на 15 сутак нібыта за брыдкаслоўе.
«Беларускія ўлады ўжо не абмяжоўваюцца арыштам журналістаў за напісаныя імі артыкулы. Абвінавачваньні ў нецэнзурнай лаянцы ў адрас незалежнага журналіста відавочна надуманыя. Павел Сьвярдлоў павінен быць неадкладна вызвалены », — заявіў Робэрт Магоні.
Ён таксама раней заклікаў беларускія ўлады спыніць выкарыстоўваць крымінальны перасьлед за паклёп у якасьці інструмэнта, каб прымусіць замаўчаць журналістаў, якія іх крытыкуюць.
Камітэт таксама зьвяртае ўвагу на пагрозы ў адрас журналістаў. Карэспандэнт расейскай «Новой газеты» Ірына Халіп нядаўна атрымала па пошце пакет з адрэзанай курынай галавой. Яна ўпэўненая, што такім чынам ёй пагражаюць за прафэсійную дзейнасьць. Ірыне Халіп забаронены выезд з Беларусі, таму што цяпер яна адбывае трохгадовы ўмоўны тэрмін. Пасьля прэзыдэнцкіх выбараў 2010 года журналістка правяла ў турме КДБ паўтара месяца.
