Як паведамляе сакратарыят Парлямэнцкай асамблеі, больш за 60 парлямэнтарыяў з 21 дзяржавы-удзельніка ПА АБСЭ сталі суаўтарамі праекта рэзалюцыі, якая рэкамэндуе адмовіцца ад правядзеньня чэмпіянату сьвету па хакеі ў 2014 годзе ў Беларусі ў тым выпадку, калі ўлады не вызваляць усіх палітычных зьняволеных, якiя ўтрымлiваюцца пад вартай.
Рэзалюцыя заклікае беларускія ўлады вызваліць і апраўдаць усіх палітычных зьняволеных, а таксама паважаць вяршэнства закона, свабоду сродкаў масавай інфармацыі і свабоду перамяшчэньня.
Праект рэзалюцыі настойліва заклікае ўрад у Менску пакласьці канец ўціскам і перасьледам у дачыненьні да прафсаюзаў, незалежных СМІ і праваабаронцаў, адмяніць хатні арышт, накладзены на выпушчаных з турмаў палітычных зьняволеных, дазволіць правядзеньне міжнароднага расьсьледаваньня па сьцьвярджэньнях аб катаваньнях у турмах, дазволіць прадстаўнікам ПА АБСЭ наведваць палітычных зьняволеных, вярнуцца да разгляду заявак на рэгістрацыю партыі «Беларуская хрысьціянская дэмакратыя» і няўрадавай праваабарончай арганізацыі «Вясна», якім неаднаразова было адмоўлена ў рэгістрацыі без належных падставаў, паведамляе БелаПАН.
Рэзалюцыя заклікае беларускія ўлады вызваліць і апраўдаць усіх палітычных зьняволеных, а таксама паважаць вяршэнства закона, свабоду сродкаў масавай інфармацыі і свабоду перамяшчэньня.
Праект рэзалюцыі настойліва заклікае ўрад у Менску пакласьці канец ўціскам і перасьледам у дачыненьні да прафсаюзаў, незалежных СМІ і праваабаронцаў, адмяніць хатні арышт, накладзены на выпушчаных з турмаў палітычных зьняволеных, дазволіць правядзеньне міжнароднага расьсьледаваньня па сьцьвярджэньнях аб катаваньнях у турмах, дазволіць прадстаўнікам ПА АБСЭ наведваць палітычных зьняволеных, вярнуцца да разгляду заявак на рэгістрацыю партыі «Беларуская хрысьціянская дэмакратыя» і няўрадавай праваабарончай арганізацыі «Вясна», якім неаднаразова было адмоўлена ў рэгістрацыі без належных падставаў, паведамляе БелаПАН.
