Лінкі ўнівэрсальнага доступу

Брэйвіка просяць прызнаць вар'ятам


Абвінаваўцы на працэсе над Андэрсам Брэйвікам, які прызнаўся ў масавым забойстве, просяць суд прызнаць Брэйвіка вар'ятам і накіраваць яго ў псыхіятрычны шпіталь.

Брэйвік ўзяў на сябе адказнасьць за выбух у Осла, ахвярамі якога сталі восем чалавек, і за страляніну ў моладзевым лягеры Працоўнай партыі на высьпе Ўтоя, у выніку якой загінулі 69 чалавек. Ён ня лічыць забойства актывістаў злачынствам, паколькі яны, на яго думку, здрадзілі Нарвэгіі, падтрымліваючы распаўсюд мультыкультуралізму.

Суд мае абвясьціць прысуд Брэйвіку 24 жніўня. Калі яго прызнаюць псыхічна здаровым, яму пагражае максымальны тэрмін 21 год зьняволеньня, які пасьля можа быць працягнуты, калі яго палічаць па-ранейшаму небясьпечным для грамадзтва. Калі Брэйвіка прызнаюць вар'ятам, ён будзе накіраваны ў псыхіятрычную ўстанову на неабмежаваны тэрмін.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG