Акцызы на тытунь і алькаголь павысяць да ўзроўню расейскіх

«Мы будзем паступова павышаць стаўкі акцызаў на тытунёвыя і вінна-гарэлачныя вырабы», — паведаміў міністр фінансаў Беларусі Андрэй Харкавец пад час пашыранага пасяджэння Пастаяннай камісіі Палаты прадстаўнікоў Нацыянальнага сходу Беларусі па бюджэту, фінансах і падатковай палітыцы.

«Будзем выходзіць як мінімум на ўзровень, максімальна блізкі да расейскіх ставак акцызаў на тытунёвыя і вінна-гарэлачныя вырабы», — цытуе чыноўніка агенцтва «Белта». Міністр фінансаў дадаў, што Расея прапануе ўніфікаваць палітыку адносна гэтых тавараў у цэлым у рамках Мытнага зьвязу.