Намесьнікамі абраны кіраўнік грамадзкага аб’яднаньня «Беларуская асацыяцыя журналістаў» Жана Літвіна, кіраўнік РГА «Беларускі Хельсінкскі камітэт» Алег Гулак, культуроляг Вацлаў Арэшка, грамадзкія актывісты з рэгіёнаў Віталь Васількоў і Ільля Заранок, а таксама віцэ-прэзыдэнт Міжнароднай федэрацыі правоў чалавека, лідар незарэгістраванага праваабарончага цэнтру «Вясна» Алесь Бяляцкі, які адбывае пакараньне ў бабруйскай калёніі № 2.
Усяго ў Рабочую групу Асамблеі абрана 44 чалавекі, — паведамляе БелаПАН
На пасадзе кіраўніка выканаўчага бюро Асамблеі НДА застаўся Сяргей Лісічонак.
Сёмы справаздачна-выбарны кангрэс Асамблеі НДА пачаў працу ў Менску 16 чэрвеня.
Заснаваная ў 1997 годзе Асамблея НДА — найбуйнейшае ў Беларусі аб’яднаньне няўрадавых дэмакратычных арганізацыяў і ініцыятываў. Сёньня яна ўключае больш за 300 арганізацыяў. Пасля таго як Міністэрства юстыцыі тройчы адмовіла Асамблеі НДА ў рэгістрацыі, у 2011 годзе аб’яднаньне было зарэгістраванае ў Літве.