Лінкі ўнівэрсальнага доступу

Губарэвіч: «Рух ня будзе вылучаць сваіх кандыдатаў на выбары»


Юрась Губарэвіч

Кіраўнік беларускай дзяржавы Аляксандар Лукашэнка і старшыня Цэнтравыбаркаму Лідзія Ярмошына пасьля сёньняшняй сустрэчы заявілі, што Беларусь ня пойдзе на ўнясеньне зьмяненьняў у выбарчае заканадаўства да парлямэнцкіх выбараў.

«Ці паўплывае гэтае рашэньне на стаўленьне руху «За свабоду» да выбарчай кампаніі ў Палату прадстаўнікоў?» — з такім пытаньнем «Свабода» зьвярнулася да намесьніка старшыні руху «За свабоду» Юрася Губарэвіча:

«Спачатку я хацеў бы ўдакладніць пазыцыю руху. Бо знаходзяцца іншыя палітыкі, якія яе за нас агучваюць. І агучваюць у скажоным выглядзе. Напрыклад, Анатоль Лябедзька распаўсюдзіў інфармацыю, што рух не зьбіраецца здымаць сваіх кандыдатаў на выбарах.

Гэта не адпавядае рэчаіснасьці. Рух „За свабоду“ не зьяўляецца палітычнай партыяй і ня будзе вылучаць сваіх кандыдатаў. Мы будзем працаваць з кандыдатамі ад прыязных нам партыяў, зь незалежнымі кандыдатамі. Наша мэта — камунікацыя з грамадзтвам, выкарыстаньне выбарчых мэханізмаў, распаўсюджваньне матэрыялаў пра пазытыўную альтэрнатыву. Таму нас у першую чаргу цікавіць пэрыяд агітацыйнай кампаніі. А што да ўдзелу ў галасаваньні, то гэтыя кандыдаты павінны прымаць рашэньні самастойна, або такое рашэньне павінны прымаць іхныя партыі».

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG