Пра гэта паведаміў журналістам міністар аховы здароўя Васіль Жарко.
«Ня будзе водпуску ўсіх лекавых сродкаў грамадзянам толькі па рэцэптах, як гэта падавалася ў прэсе. З 1 ліпеня Міністэрства аховы здароўя проста зробіць больш жорсткім кантроль за водпускам мэдпрэпаратаў з мэтай іх рацыянальнага прымяненьня і недапушчэньня небясьпечных наступстваў ад самалячэньня», — сказаў Жарко.
У Беларусі зарэгістравана больш за 5 тысяч лекавых сродкаў.
«З улікам практыкі, якая склалася, і экспэртных заключэньняў мы сфармавалі новы пералік лекаў, дазволеных да свабоднага продажу, і 4 чэрвеня я падпісаў адпаведны загад. У гэты пералік уключана 3279 найменьняў — гэта 61,6% усіх лекавых сродкаў», — сказаў Жарко.
Па рэцэптах будуць адпускацца 1985 мэдпрэпаратаў, у тым ліку наркотыкі, псыхатропныя прэпараты, сродкі для лячэньня эпілепсіі, інсуліны, гарманальныя прэпараты, анаболікі, некаторыя гіпэртэнзіўныя сродкі, лекі ад анкалягічных захворваньняў, а таксама антыбіётыкі 3-га, 4-га і пазьнейшых пакаленьняў.
Сродкі для лячэньня сардэчна-сасудзістых захворваньняў і антыгіпэртэнзіўныя прэпараты, якія шырока прымяняюцца насельніцтвам, будуць прадавацца без рэцэпту. Гэта ж тычыцца простых антыбіётыкаў і некаторых супрацьзачаткавых сродкаў.
Пералік будзе штогод пераглядацца. Паводле міністра, выпісваць рэцэпты змогуць лекары як дзяржаўных, так і недзяржаўных мэдустаноў. Пры гэтым пацыенты атрымаюць права зьвяртацца па рэцэпты як да ўчастковага, так і да дзяжурнага лекара. Усе мэдустановы ўжо забясьпечаныя блянкамі для выпіскі рэцэптаў, з мэдыкамі праведзена адпаведная праца.
Жарко ня лічыць, што ўзмацненьне жорсткасьці парадку водпуску лекаў прывядзе да росту чэргаў у паліклініках. Ён паабяцаў, што ў 2014 годзе чэргаў у паліклініках ня будзе.
Міністар адзначыў, што Міністэрства аховы здароўя ня будзе пазбаўляць аптэкі ліцэнзій за парушэньне парадку безрэцэптурнага водпуску лекаў. «Меры адказнасьці мы будзем рабіць больш жорсткімі паступова», — сказаў ён.
Міністар прызнаў, што з увядзеньнем такога парадку абарот некаторых лекавых сродкаў у Беларусі зьменшыцца. Аднак, нягледзячы на гэта, фармацэўтычныя кампаніі падтрымалі ініцыятыву.
Жарко дадаў, што Міністэрства аховы здароўя выступае і за забарону рэклямы лекаў у электронных і друкаваных СМІ.
«Ня будзе водпуску ўсіх лекавых сродкаў грамадзянам толькі па рэцэптах, як гэта падавалася ў прэсе. З 1 ліпеня Міністэрства аховы здароўя проста зробіць больш жорсткім кантроль за водпускам мэдпрэпаратаў з мэтай іх рацыянальнага прымяненьня і недапушчэньня небясьпечных наступстваў ад самалячэньня», — сказаў Жарко.
У Беларусі зарэгістравана больш за 5 тысяч лекавых сродкаў.
«З улікам практыкі, якая склалася, і экспэртных заключэньняў мы сфармавалі новы пералік лекаў, дазволеных да свабоднага продажу, і 4 чэрвеня я падпісаў адпаведны загад. У гэты пералік уключана 3279 найменьняў — гэта 61,6% усіх лекавых сродкаў», — сказаў Жарко.
Па рэцэптах будуць адпускацца 1985 мэдпрэпаратаў, у тым ліку наркотыкі, псыхатропныя прэпараты, сродкі для лячэньня эпілепсіі, інсуліны, гарманальныя прэпараты, анаболікі, некаторыя гіпэртэнзіўныя сродкі, лекі ад анкалягічных захворваньняў, а таксама антыбіётыкі 3-га, 4-га і пазьнейшых пакаленьняў.
Сродкі для лячэньня сардэчна-сасудзістых захворваньняў і антыгіпэртэнзіўныя прэпараты, якія шырока прымяняюцца насельніцтвам, будуць прадавацца без рэцэпту. Гэта ж тычыцца простых антыбіётыкаў і некаторых супрацьзачаткавых сродкаў.
Пералік будзе штогод пераглядацца. Паводле міністра, выпісваць рэцэпты змогуць лекары як дзяржаўных, так і недзяржаўных мэдустаноў. Пры гэтым пацыенты атрымаюць права зьвяртацца па рэцэпты як да ўчастковага, так і да дзяжурнага лекара. Усе мэдустановы ўжо забясьпечаныя блянкамі для выпіскі рэцэптаў, з мэдыкамі праведзена адпаведная праца.
Жарко ня лічыць, што ўзмацненьне жорсткасьці парадку водпуску лекаў прывядзе да росту чэргаў у паліклініках. Ён паабяцаў, што ў 2014 годзе чэргаў у паліклініках ня будзе.
Міністар адзначыў, што Міністэрства аховы здароўя ня будзе пазбаўляць аптэкі ліцэнзій за парушэньне парадку безрэцэптурнага водпуску лекаў. «Меры адказнасьці мы будзем рабіць больш жорсткімі паступова», — сказаў ён.
Міністар прызнаў, што з увядзеньнем такога парадку абарот некаторых лекавых сродкаў у Беларусі зьменшыцца. Аднак, нягледзячы на гэта, фармацэўтычныя кампаніі падтрымалі ініцыятыву.
Жарко дадаў, што Міністэрства аховы здароўя выступае і за забарону рэклямы лекаў у электронных і друкаваных СМІ.
