Лінкі ўнівэрсальнага доступу

Эгіпет: суд перагледзіць «мяккія» прысуды экс-урадоўцам


Пратэсты на плошчы Тахрыр у Каіры супраць замяккага, на думку дэманстрантаў, прысуду Хосьні Мубараку. Надпіс на плякаце: "Сьмерць – бясплатна"
Пратэсты на плошчы Тахрыр у Каіры супраць замяккага, на думку дэманстрантаў, прысуду Хосьні Мубараку. Надпіс на плякаце: "Сьмерць – бясплатна"

У Эгіпце генпракуратура абскардзіла сёньня рашэньне суду, што апраўдаў напярэдадні шасьцёх былых паліцэйскіх чыноўнікаў.

Усе яны абвінавачваліся ў датычнасьці да забойстваў сотняў удзельнікаў антыўрадавых выступаў, якія прывялі да адстаўкі Хосьні Мубарака з пасады прэзыдэнта краіны. Суд, аднак, назваў недастатковымі сабраныя супраць былых афіцэраў доказы.

Таксама ў суботу на працэсе да пажыцьцёвага зьняволеньня былі прысуджаныя сам Мубарак і экс-міністар унутраных спраў Эгіпту Хабіб аль-Адлі - за ролю ў здушэньні масавых пратэстаў.

Тысячы людзей, абураных судовым вэрдыктам, выйшлі на вуліцы эгіпэцкіх гарадоў. Адна з акцый пратэсту праходзіць на плошчы Тахрыр, у Каіры. Паводле паліцыі, падчас забурэньняў пацярпелі больш за сто чалавек.

Некаторыя пратэстоўцы кажуць, што чакалі для Хосьні Мубарака сьмяротнага пакараньня.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG