Лінкі ўнівэрсальнага доступу

Эколягі хочуць патлумачыць Пуціну небясьпеку АЭС


Пасольства РФ у Менску

31 траўня беларускія эколягі плянуюць перадаць у амбасаду Расеі дакумэнты, якія сьведчаць пра нябясьпеку будаўніцтва АЭС у Беларусі.

Расейская Фэдэрацыя фінансамі падтрымлівае будаўніцтва АЭС на Астравеччыне.

У абасаду Расеі пойдуць кіраўніца грамадзкага аб’яднаньня «Экадом» Ірына Сухій і фізык, доктар тэхнічных навук, прафэсар Георгі Лепін.

Яны плянуюць перадаць заключэньне грамадзкай экалягічнай экспэртызы праекту Беларускай АЭС і Крытычныя заўвагі да ацэнкі ўздзеяньня на навакольнае асяродзьдзе беларускай АЭС.

Актывісты маюць давесьці да Ўладзімера Пуціна інфармацыю пра хібы праекту будаўніцтва АЭС дзяржкарпарацыяй «Расатам», апавесьці пра парушэньні ў часе выкананьня гэтага праекту і грамадзкія пратэсты, выкліканыя ідэяй будаўніцтва АЭС.

Ірына Сухій
Ірына Сухій
Ірына Сухій: «Мы расчараваныя няўвагай з боку прэзыдэнта Расеі да грамадзянскай супольнасьці Беларусі, ігнараваньнем нашай заклапочанасьці плянамі будоўлі дарагой і небясьпечнай атамнай электрастанцыі паводле экспэрымэнтальнага расейскага праекту „АЭС-2006“. Паўтара году мы паслядоўна звярталіся да Ўладзімера Пуціна і Дзмітрыя Мядзьведзева, але адказу па сутнасьці не атрымалі».

Сачыце за разьвіцьцём падзеі на сайце «Свабоды».

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG