Ужо сёньня, 31 траўня

УДЗЕНЬ...

...Тэмпэратура 14-16 цяпла. Пераменная воблачнасьць, без ападкаў.

НЕ ПРАПУСЬЦІЦЕ:

У вечаровым эфіры Свабоды праграмы «Вашы дзеці» і «Падарожжы Свабоды».

У БЕЛАРУСІ І СЬВЕЦЕ

Прэзэнтацыя канспэкту па вывучэньні «Правілаў дарожнага руху». Сядзіба ТБМ (Менск, Румянцава, 13). Пачатак а 17.30.

Прэзэнтацыя кнігі музыкі і дасьледніка старажытнай культуры Змітра Сасноўскага («Стары Ольса») «Гісторыя беларускай музычнай культуры XIX — XX ст.» у кнігарні «ЛогвінаЎ» (Менск, пр-т Незалежнасці, 37а). Пачатак, а 19-й, уваход вольны.

У клюбе «Рэ:паблік» у Менску адбудзецца канцэрт гурту ZNICH з праграмай «Найлепшае за 16 гадоў», пачатак а 19-й гадзіне.

Рабочы візыт у Беларусь Уладзімера Пуціна.

Ва Ўроцлаве пачынаецца Глябальны форум з удзелам Леха Валэнсы, Аляксандра Квасьнеўскага, Штэфана Фюле, Радаслава Сікорскага і іншых. Вядома, што ў форуме возьме ўдзел жонка Алеся Бяляцкага Натальля Пінчук.

Дзяржаўны сакратар ЗША Гілары Клінтан пачынае афіцыйны візыт у Данію і Швэцыю.

ТАКСАМА Ў ГЭТЫ ДЗЕНЬ

1792 – самараспусьціўся Чатырохгадовы Сойм Рэчы Паспалітай. Найвышэйшым дасягненьнем Сойму лічыцца прыняцьцё Канстытуцыі 3 траўня.

1859 – у Лёндане запушчаны гадзіньнік на вежы Біг-Бэн.

У гэты дзень нарадзіліся:

1556 – Юры Радзівіл, царкоўны й дзяржаўны дзяяч Рэчы Паспалітай.

1640 – Міхал Вішнявецкі, кароль польскі і вялікі князь літоўскі ад 1669 да 1673.

1651 – Элеанора Марыя Юзэфа Габсбурґ, каралева польская й вялікая княгіня літоўская, пасьля княгіня лятарынская.

1809 – Франц Ёзэф Гайдн, аўстрыйскі кампазытар.

1948 – Сьвятлана Алексіевіч, беларуская пісьменьніца. Аўтарка кніг «У вайны не жаночае аблічча», «Цынкавыя хлопчыкі», «Чарнобыльская малітва» ды іншых.

У гэты дзень памерлі:

1800 – Міхал Казімер Агінскі, выбітны дзяяч беларускае гісторыі. Быў кандыдатам на трон Рэчы Паспалітай, змагаўся з расейскім захопам беларускіх земляў. Ягонае войска пацярпела паразу ад арміі Суворава ў вядомай бітве пад Сталавічамі. З ініцыятывы і на сродкі Міхала Казімера пабудаваны Агінскі канал.

ЦЫТАТА НА ПАМЯЦЬ:

Самая справядлівая на сьвеце рэч – сьмерць. Яшчэ ніхто не адкупіўся.
Сьвятлана Алексіевіч

ГОД ТАМУ Ў ЗАГАЛОЎКАХ НА САЙЦЕ СВАБОДЫ:

Авіяцыя НАТО нанесла новыя ўдары па аб'ектах Кадафі

Сьледзтва: падазраваныя ў тэракце ладзілі выбухі з 2000-га

Транспартная пракуратура апытала аўтара відэа ў начным мэтро

ЁСЬЦЬ НАГОДА

Сёньня адзначаецца: Сусьветны дзень культуры, Сусьветны дзень без тытуню, Сусьветны дзень бляндынак, Дзень нараджэньня Буды.

* * *

Паважаныя наведнікі сайту! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.