Лінкі ўнівэрсальнага доступу

У Канах – сусьветная прэм’ера «Ў тумане»


Фільм зьняты беларусам па нараджэньні, расейцам па пашпарце — Сяргеем Лазьніцам. У аснове фільму — аднайменны твор Васіля Быкава. Наш карэспандэнт у Канах вядзе онлайн-рэпартаж.

17.00 Лазьніца на чырвоным дыване! Сьпявае Кася Камоцкая. "Паляунічы ты мой паляунічы" і "Божа, забяры маё жыцьцё".

Праход па чырвоным дыване:



Перад прэм'ерай - урачыстая фотасэсія. Рэжысэр фільму "У тумане" Сяргея Лазьніца і акторы беларус Уладзімір Сьвірскі, расейцы Улад Абашын і Сяргея Калясоў.
Перад прэм'ерай - урачыстая фотасэсія. Рэжысэр фільму "У тумане" Сяргея Лазьніца і акторы беларус Уладзімір Сьвірскі, расейцы Улад Абашын і Сяргея Калясоў.

Чырвоную дарожку рыхтуюць да выхаду Сяргея Лазьніцы з камандай актораў.
Чырвоную дарожку рыхтуюць да выхаду Сяргея Лазьніцы з камандай актораў.


14.30 Прэсавая канфэрэнцыя закончылася. Лазьніца і акторы раздалі аўтографы. У 16:15 паводле Менскага часу - іх праход па чырвонай дарожцы ў Канах.

14.00 Абашын, які выканаў ролю Бурава: "Самае цяжкае - доўгае дыханьне. Мы доўга трэніраваліся". Сьвірскі, які сыграў Сушчэню: "Была сцэна 12 хвілінаў, вось здымаем, раз-два, усё ідзе добра, а на 8-ай хвіліне - слова ня так - і спачатку...

Карэспандэнт "Радыё Свабода" задаў пытаньне Сяргею Лазьніцу, ці лічыць ён, што фільм - беларускі, паколькі на аснове беларускага матэрыялу, пра беларускую гісторыю, пра лёс беларусаў. Сяргей Лазьніца: "Фільм можа быў беларускі, рускі, славянскі, украінскі... Але напэўна, гэта - Германія-Аўстрыя":



Француская журналістка Інга Ватэрлот: У фільме "У тумане" я адчула намёк на сталінскі і лукашэнкаўскі рэжымы":



13.55 Лазьніца распавядае, што акторы тэатральныя. І давялося змагацца з тэатральнасьцю. "Гэта фільм хутчэй за усё належыць да нямецка-аустрыйскай культуры". "Мне музыка непатрэбная. Гуку дастаткова. 90% гуку - direct sound, запісаны на пляцоуцы. 3 месяцы сышло на гук".

13.50 Лазьніца: "Галоуная тэма фільму - чалавек ня усё можа".



13.45 Прэс-канфэрэнцыя у працэсе. Два з трох пытаньняу - пра палітыку.

13.32
Буклеты пра фільм па-француску. У ім гаворыцца, што Быкау -беларускі пісьменьнік, беларускі патрыёт і заснавальнік БНФ.

13.28 Журналістау на Лазьніцу пакуль прыйшло няшмат, пераважна з Расеі. На Робэрта Патынсана было болей.



13.00 Прэм'ера фільму "У тумане" паволе Васіля Быкава мае пачацца а 17-ай гадзіне па менскім часе. Аднак запрашэньняў, ані для гасьцей фэстывалю, ані для прэсы не знайсьці. У 13:30 пачнецца прэсавая канфэрэнцыя.

Людзі стаяць на ўваходах у Палац Фэстываляў у спадзяваньні знайсьці запрашальнік на прэм'еру "У тумане", альбо на "Касмаполіс" Дэвіда Кронэнбэрга.х







Учора, 24 траўня больш за 1000 журналістаў узялі ўдзел у перадпраглядзе фільму, у тым ліку карэспандэнт «Свабоды». У прэсе пачалі зьяўляцца першыя водгукі. Фільм працягласьцю 2 гадзіны 7 хвілінаў намінаваны на галоўную ўзнагароду фэстывалю.

У 13:30 па менскім часе аўтары фільму дадуць прэсавую канфэрэнцыю. Прыкладна ў 16:00 выйдуць на знакаміты чырвоны дыван, як казалася раней, пад песьню Касі Камоцкай «Паляўнічы ты мой паляўнічы». У 17:00 пачнецца паказ фільму.

***

Рэжысэр фільма Сяргей Лазьніца родам з Брэсцкай вобласьці, з Баранавічаў, ён таксама жыў у Менску, вучыўся ў Кіеве. На Канскім фэстывалі два гады таму ён дэбютаваў з мастацкім фільмам «Шчасьце маё», які тады прадстаўляў у Канах Украіну.

На фэстывалі прысутнічаюць яшчэ фільмы, зробленыя беларусамі альбо пра Беларусь.

Двойчы ў межах кінакірмашу на Канскім кінафэстывалі быў паказаны фільм «Жыве Беларусь» польскага рэжысэра Кшыштафа Лукашэвіча. Стужка, пабудаваная на рэальных падзеях, апавядае пра змаганьне беларускае моладзі супраць дыктатуры. Гэта першы фільм па-беларуску, прэзэнтаваны на такога ўзроўні фэстывалях. У фільме зьняліся рэпэр Вінсэнт, акторы Дзяніс Тарасенка, Алесь Малчанаў, Раман Падаляка, Анатоль Кот, шоўмэн Аляксандар Памідораў, польская акторка Караліна Грушка.

Фільм здымаўся ў Польшчы Дзяржаўнай кінастудыяй за грошы Міністэрства культуры Польшчы, Польскага інстытуту кінамастацтва і францускага Canal +.

Беларусь па-за конкурсам таксама прадстаўляе фільм «Адзінокі востраў» — гэта сумесны эстонска-латыска-беларускі праект. У фільме зьняліся акторы беларускіх тэатраў Сьвятлана Зелянкоўская, Ігар Сігаў, Валерыя Арланава, Вераніка Пляшкевіч.

Глядзець камэнтары (4)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG