Лінкі ўнівэрсальнага доступу

Amnesty International: Удальцоў і Навальны – вязьні сумленьня


Amnesty International logo in English

Праваабарончая арганізацыя Amnesty International прызнала расейскіх апазыцыйных актывістаў Аляксея Навальнага і Сяргея Ўдальцова – вязьнямі сумленьня.

Пра гэта ў чацьвер заявіў «Інтэрфаксу» кіраўнік расейскага аддзяленьня Amnesty International Сяргей Нікіцін.

З 6 па 9 траўня, калі ў Маскве праходзілі масавыя акцыі пратэсту апазыцыі, Навальнага і Ўдальцова некалькі разоў затрымлівалі. Потым іх зьвінавацілі ў непадпарадкаваньні паліцыі і пакаралі 15-цю суткамі адміністрацыйнага арышту кожнага.

Таксама сёньня Amnesty International адмовілася надзяліць статусам вязьня сумленьня беларускага актывіста Сяргея Каваленку, які адбывае турэмнае зьняволеньне тэрмінам два гады і адзін месяц за вывешваньне бел-чырвона-белага сьцяга на навагодняй елцы ў Віцебску ў 2010 годзе.

Паводле эўрапарлямэнтара Марэка Мігальскага, які шэфствуе над Каваленкам у рамках кампаніі Libereco-Partnership for Human Rights, у выпадку беларускага актывіста арганізацыя вырашыла прыняць да веры паказаньні супрацоўнікаў міліцыі, якія заявілі, што Каваленка аказваў ім пры затрыманьні супраціў.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG