Лінкі ўнівэрсальнага доступу

Архібіскуп з Ватыкану прамаўляў па-беларуску


Архібіскуп з Ватыкану прамаўляў па-беларуску
пачакайце

No media source currently available

0:00 0:00:52 0:00

Архібіскуп з Ватыкану прамаўляў па-беларуску

Сакратар Кангрэгацыі ўсходніх цэркваў архібіскуп Кірыл Васіль (славак паводле паходжаньня) узначаліў літургію ва ўсходнім абрадзе ў касьцёле ў Івацэвічах 8 траўня. Казаньне госьць з Ватыкану прамаўляў па-беларуску.

Разам з архібіскупам у службе ўзялі ўдзел апостальскі нунцый у Беларусі архібіскуп Кляўдыё Гуджэроці, дапаможны біскуп Пінскай дыяцэзіі Казімір Вялікаселец і іншыя сьвятары грэка-каталіцкай і рыма-каталіцкай царквы.

Боская літургія ў Івацэвіцкім касьцёле адбылася ў памяць закатаванага гестапа грэка-каталіцкага экзарха Антона Неманцэвіча і спаленых у 1942 годзе грэка-каталіцкіх вёсак Бабровічы, Красьніца, Вяда і Тупічыцы ў Івацэвіцкім раёне.

Падчас службы архібіскуп Кірыл Васіль асьвяціў зямлю з Бабровічаў, дзе ў міжваенны пэрыяд грэка-каталіцкі сьвятар Баляслаў Пачопка пабудаваў царкву і аднавіў грэка-каталіцкую парафію. Парафіяне былі забітыя немцамі падчас карнай апэрацыі «Балотная ліхаманка» у 1942 годзе. Са спаленых вёсак пасьля вайны адрадзіліся толькі Бабровічы.

Глядзець камэнтары (3)

Гэтая дыскусія закрытая.
XS
SM
MD
LG